കോഴിക്കോട്: പൊലീസുകാർക്കുനേരെ ഭീഷണി മുഴക്കിയ ബിജെപി കണ്ണൂർ ജില്ലാ പ്രസിഡന്റിന്റെ ഡ്രൈവർ അറസ്റ്റിൽ. മാഹി, പള്ളൂർ പൊലീസ് സ്റ്റേഷനുകളി​ലെ പൊലീസുകാർക്കുനേരെ ഫോണിൽ ഭീഷണി മുഴക്കിയ പള്ളൂർവയൽ സ്വദേശി അമൽ രാജ് എന്ന സച്ചുവിനെയാണ് അറസ്റ്റ് ചെയ്തത്.

കഴിഞ്ഞ ദിവസം ഇരുചക്ര വാഹനത്തിൽ യാത്ര ചെയ്യുകയായിരുന്ന പള്ളൂർ സ്വദേശികളായ രണ്ട് കുട്ടികളെ മർദ്ദിച്ച സംഭവത്തിൽ അമൽ രാജിന്റെ സുഹൃത്തുക്കളെ പൊലീസ് അറസ്റ്റ് ചെയ്തിരുന്നു. ഇതിന്റെ വൈരാഗ്യത്തിലാണ് ഇയാൾ വ്യാഴാഴ്ച മാഹി സ്റ്റേഷനിലെ പൊലീസ് ഉദ്യോഗസ്ഥന്റെ മൊബൈൽഫോണിലും മാഹി, പള്ളൂർ പൊലീസ് സ്റ്റേഷനുകളിലെ ലാൻഡ്ഫോണിലും ക്രൈം സ്ക്വാഡിന്റെ ഫോണിലും വിളിച്ച് ഭീഷണി മുഴക്കിയത്.  കാൽ വെട്ടുമെന്ന് ഭീഷണിപ്പെടുത്തുകയും കൊലവിളി നടത്തുകയുമായിരുന്നു ഇയാൾ. മാഹി കോടതിയിൽ ഹാജരാക്കിയ പ്രതിയെ രണ്ടാഴ്ചത്തേക്ക് റിമാൻഡ് ചെയ്തു.

ഈ വാര്‍ത്ത കൂടി വായിക്കൂ 

ഇടുക്കിയിൽ വെള്ളച്ചാട്ടം കാണാനെത്തിയ 21കാരി കുഴഞ്ഞുവീണു മരിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ