പാലക്കാട്: കോൺ​ഗ്രസ് സ്ഥാനാർഥി രാഹുൽ മാങ്കൂട്ടത്തിലിനെ പാലക്കാട്ടേയ്ക്ക് വരവേറ്റ് പ്രവർത്തകർ. ഡിസിസി ഓഫീസിനു മുന്നിൽ രാഹുലിനെ സ്വീകരിക്കാൻ പ്രവർത്തകർ കൂട്ടത്തോടെ എത്തി. കെപിസിസി അധ്യക്ഷൻ കെ സുധാകരൻ, പ്രതിപക്ഷ നേതാവ് വിഡി സതീശൻ, ഷാഫി പറമ്പിൽ എംപി അടക്കമുള്ളവരും സ്വീകരിക്കാനുണ്ടായിരുന്നു.

സ്വീകരണത്തിനു ശേഷം റോഡ് ഷോയും അരങ്ങേറി. തുറന്ന ജീപ്പിലായിരുന്നു റോഡ് ഷോ. കോൺ​ഗ്രസ് നേതാവായിരുന്ന പി സരിൻ ഉന്നയിച്ച ആരോപണങ്ങൾക്കും വിവാദങ്ങൾക്കുമിടയിലായിരുന്നു വൈകീട്ടോടെ രാഹുൽ പാലക്കാട്ടെത്തിയത്.

'സതീശന്‍ ഐ ആം ദി പാര്‍ട്ടി'; മാങ്കൂട്ടത്തില്‍ 'കുട്ടി സതീശന്‍'; 2026ല്‍ കോണ്‍ഗ്രസ് പച്ചതൊടില്ല; ആഞ്ഞടിച്ച് പി സരിന്‍

തനിക്ക് കിട്ടിയതിനേക്കാൾ വോട്ടിന്റെ ഭൂരിപക്ഷം രാഹുലിനു ലഭിക്കുമെന്നു ഷാഫി പ്രതികരിച്ചു. യുഡിഎഫ് പ്രവർത്തകർ ഒറ്റക്കെട്ടായി പ്രവർത്തിക്കുമെന്നും അദ്ദേഹം വ്യക്തമാക്കി.