തൊടുപുഴ: സംസ്ഥാനത്ത് വൈദ്യുതി നിരക്ക് വര്‍ധിപ്പിക്കേണ്ടി വരുമെന്ന് മന്ത്രി കെ കൃഷ്ണന്‍ കുട്ടി. ചെറിയ വര്‍ധനവാണ് പ്രതീക്ഷിക്കുന്നത്. പുറത്തുനിന്ന് വൈദ്യുതി വാങ്ങേണ്ട സ്ഥിതിയാണ് നിലവില്‍ ഉള്ളതെന്നും കൃഷ്ണന്‍ കുട്ടി പറഞ്ഞു

'ചെറിയ ഒരു വര്‍ധനവേ വരൂ എന്നാണ് പ്രതീക്ഷ. വാങ്ങുന്ന വിലയ്ക്കേ വൈദ്യുതി കൊടുക്കാന്‍ പറ്റൂ. ഉപഭോക്താവിനെ കഴിയുന്നത്ര വിധത്തില്‍ വിഷമിപ്പിക്കാതിരിക്കാനുള്ള നടപടിയാണ് സ്വീകരിക്കുക. അതിന്റെ ഇടയില്‍ മഴ പെയ്താല്‍ രക്ഷപ്പെടാനാകു'മെന്ന് മന്ത്രി ഇടുക്കിയില്‍ മാധ്യമങ്ങളോട് പറഞ്ഞു. 

നിലവില്‍ സംസ്ഥാനത്ത് വൈദ്യുതി നിരക്ക് കൂട്ടേണ്ട സാഹചര്യമാണ് ഉള്ളത്. എന്നാല്‍ നിരക്ക് വര്‍ധന എത്രയുണ്ടാകുമെന്ന് മന്ത്രി അറിയിച്ചിട്ടില്ല. പുറത്തുനിന്ന് വാങ്ങുമ്പോള്‍ അവരാണ് വില നിശ്ചയിക്കുന്നത്. അതിനനുസരിച്ച് ആനുപാതികമായി സംസ്ഥാനത്തും വൈദ്യുതി നിരക്ക് വര്‍ധിപ്പിക്കേണ്ടി വരും. ഇക്കാര്യത്തില്‍ റെഗുലേറ്ററി കമ്മീഷനാണ് തീരുമാനമെടുക്കുക.

ഈ വാർത്ത കൂടി വായിക്കൂ

കിഫ്ബി നിയമനത്തട്ടിപ്പ്:  10 ലക്ഷം രൂപ തട്ടി; വ്യാജ നിയമന ഉത്തരവ് ഉണ്ടാക്കി; അഖില്‍ സജീവും യുവമോര്‍ച്ച നേതാവും പ്രതികള്‍; എഫ്‌ഐആര്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ