മുൻമന്ത്രി ബാബ സിദ്ദിഖ് അക്രമികളുടെ വെടിയേറ്റ് മരിച്ചത് മഹാരാഷ്ട്രയെ ഞെട്ടിച്ചു. ഹൈദരാബാദിൽ നടന്ന മത്സരത്തിൽ സഞ്ജുവിന്റെ ബാറ്റിങ്ങ് വെടിക്കെട്ടിന്റെ മികവിൽ ഇന്ത്യ തകർപ്പൻ ജയം നേടി. ടി 20 പരമ്പരയും ഇന്ത്യ കരസ്ഥമാക്കി

മഹാരാഷ്ട്ര മുൻ മന്ത്രി ബാബാ സിദ്ദിഖി വെടിയേറ്റ് മരിച്ചു. 66 വയസ്സായിരുന്നു. എൻസിപി അജിത് പവാർ വിഭാഗം നേതാവാണ്. കൊലപാതകത്തിൽ രണ്ടുപേരെ അറസ്റ്റ് ചെയ്തതായി മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെ അറിയിച്ചു.

ഡല്‍ഹി സര്‍വകലാശാല മുന്‍ അധ്യാപകനും മനുഷ്യാവകാശ പ്രവർത്തകനുമായ പ്രൊഫസര്‍ ജി എന്‍ സായിബാബ അന്തരിച്ചു. മാവോയിസ്റ്റ് ബന്ധം ആരോപിച്ചുള്ള കേസിൽ പത്തുവർഷക്കാലം ജയിലിലായിരുന്നു. കുറ്റവിമുക്തനാക്കിയതിനെ തുടർന്ന് മാർച്ചിലാണ് ജയിൽമോചിതനായത്.

ഇന്ന് വിജയദശമി. വിദ്യാരംഭ ദിനമായ ഇന്ന് ആദ്യാക്ഷരമെഴുതി അറിവിന്റെ ലോകത്തേക്ക് കടക്കുന്നത് നിരവധി കുരുന്നുകളാണ്. സംസ്ഥാനത്ത് ക്ഷേത്രങ്ങളിലും പ്രധാന എഴുത്തിനിരുത്ത് കേന്ദ്രങ്ങളിലും വലിയ തിരക്കാണ് അനുഭവപ്പെടുന്നത്.

സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത. ഏഴു ജില്ലകളിൽ ഇന്ന് അതിശക്ത മഴ മുന്നറിയിപ്പുണ്ട്. തെക്കൻ കേരളതീരത്ത്‌ ഇന്നും നാളെയും ലക്ഷദ്വീപ് തീരങ്ങളിൽ നാളെ വരെയും മത്സ്യബന്ധനത്തിന് പോകാൻ പാടില്ലെന്ന് മുന്നറിയിപ്പ്

സഞ്ജുവിന്റെ വെടിക്കെട്ട് സെഞ്ച്വറിയുടെ പിന്‍ബലത്തില്‍ ഇന്ത്യയ്ക്ക് ബംഗ്ലാദേശിനെതിരെ തകര്‍പ്പന്‍ ജയം. ബംഗ്ലാദേശിനെ133 റണ്‍സിനാണ് തോല്‍പ്പിച്ചത്. ഇന്ത്യ മുന്നോട്ടുവെച്ച 298 റണ്‍സ് വിജയ ലക്ഷ്യം പിന്തുടര്‍ന്ന ബംഗ്ലദേശിന് 20 ഓവറില്‍ ഏഴു വിക്കറ്റ് നഷ്ടത്തില്‍ 164 റണ്‍സെടുക്കാനേ സാധിച്ചുള്ളൂ. സഞ്ജുവാണ് കളിയിലെ താരം.