തൃശ്ശൂര്: ഗൊരഖ്പൂരില്നിന്നും കൊച്ചുവേളിയിലേക്കുള്ള രപ്തി സാഗര് സൂപ്പര്ഫാസ്റ്റ് എക്സ്പ്രസില്നിന്ന് അഞ്ച് കിലോ 200ഗ്രാം കഞ്ചാവ് പിടികൂടി. വടക്കാഞ്ചേരി സ്റ്റേഷനില് ട്രെയിന് എത്തിയപ്പോള് നടത്തിയ പരിശോധനയിലാണ് കഞ്ചാവ് കണ്ടെടുത്തത്. എക്സൈസും റെയില്വേ ക്രൈം ഇന്റലിജന്സ് ബ്യൂറോയും സംയുക്തമായി നടത്തിയ പരിശോധനയിലാണ് കഞ്ചാവ് പിടിച്ചത്.
ട്രെയിനിലെ എ സി കോച്ചിലെ ശുചിമുറിക്ക് സമീപത്തുനിന്നു ഷോള്ഡര് ബാഗില് അഞ്ച് പാക്കറ്റുകളിലായി സൂക്ഷിച്ച 5.200 കിലോ കഞ്ചാവാണ് കണ്ടെടുത്തത്. പ്രതികള്ക്കായി പരിശോധന നടത്തിയെങ്കിലും ട്രെയിനില് കണ്ടെത്താനായില്ല.
ക്രിസ്മസ് കാലത്ത് കേരളത്തിലേക്ക് വരുന്ന മദ്യത്തിന്റെയും മയക്കു മരുന്നുകളുടെയും ഉപയോഗം തടയുന്നതിനായി റെയില്വേ സ്റ്റേഷനിലെ പരിശോധന വരും ദിവസങ്ങളിലും തുടരും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates