മലപ്പുറം: കരിപ്പൂര് വിമാനത്താവളത്തില് നിന്ന് മൂന്ന് യാത്രികരില് നിന്നായി നാലേമുക്കാല് കിലോ സ്വര്ണം പിടികൂടി. ഒരുകോടി 90 ലക്ഷം രൂപയുടെ സ്വര്ണമാണ് പിടികൂടിയത്.
കോഴിക്കോട് സ്വദേശി ഹനീഫയില് നിന്നും 2.28 കിലോഗ്രാം സ്വര്ണവും, മലപ്പുറം സ്വദേശികളായ രവീന്ദ്രനില് നിന്ന് 2 കിലോ സ്വര്ണവും, അബ്ദുള് ജലീല് നിന്ന് 355 ഗ്രാം സ്വര്ണവുമാണ് പിടികൂടിയത്. ഇതിന് ഒരുകോടി 90 ലക്ഷം രൂപ വിലവരുമെന്നാണ് കണക്ക്കൂട്ടല്.
പിടിയിലായ ഇവര് വിവിധ വിമാനത്തില് വന്നവരാണ്. ഒരേ കള്ളക്കടത്ത് സംഘത്തില്പ്പെട്ടവരാണ് പിടിയിലായവര്. കഴിഞ്ഞ കുറച്ച് ദിവസങ്ങളായി കരിപ്പൂരില് നിന്ന് വ്യാപകമായി സ്വര്ണം പിടികൂടിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates