കോഴിക്കോട് : എസ്എഫ്‌ഐ പ്രതിഷേധത്തിനിടെ ​ഗവർണർ ആരിഫ് മുഹമ്മദ് ഖാൻ കാലിക്കറ്റ് സർവകലാശാലയിൽ. കനത്ത പൊലീസ് സുരക്ഷയാണ് യൂണിവേഴ്‌സിറ്റിൽ ഒരുക്കിയിരിക്കുന്നത്. കരിപ്പൂരിൽ വിമാനമിറങ്ങിയ ഗവർണറുടെ വാഹന വ്യൂഹം ഗസ്റ്റ് ഹൗസിനുള്ളിൽ എത്തി. സർവകലാശാലയുടെ കവാടത്തിന് പുറത്ത്  എസ്എഫ്ഐ പ്രവർത്തകർ കുത്തിയിരിപ്പ് പ്രതിഷേധം തുടരുകയാണ്. 

പൊലീസ് ബലം പ്രയോ​ഗിച്ച് പ്രതിഷേധക്കാരെ അറസ്റ്റ് ചെയ്‌ത് മാറ്റുന്നതിനിടെ സംഘർഷം ഉണ്ടായി. എസ്എഫ്ഐയെ വെല്ലുവിളിച്ചാണ് ഗവർണർ കാലിക്കറ്റ് സർവകലാശാലയിലേക്ക് എത്തുമെന്ന് പ്രഖ്യാപിച്ചത്. തിങ്കളാഴ്‌ച ക്യാമ്പസിൽ  സംഘടിപ്പികുന്ന ശ്രീനാരായണ ഗുരു സെമിനാറിൽ പങ്കെടുക്കാനാണ് ​ഗവർണർ സർവകലാശാലയിൽ എത്തിയത്. 

നേരത്തെ സർക്കാർ ​ഗസ്റ്റ് ഹൗസിൽ താമസിക്കുമെന്നായിരുന്നു തീരുമാനം. എസ്‌എഫ്ഐയുടെ പ്രഖ്യാപനത്തിന് പിന്നാലെയാണ് താമസം കാമ്പസിനുള്ളിലെ ​ഗസ്റ്റ് ഹൗസിലേക്ക് മാറ്റിയത്. മലപ്പുറം എസ്പിയുടെ നേതൃത്വത്തിൽ കനത്ത പോലിസ്  സുരക്ഷ ഗവർണർക്ക് ഒരുക്കുന്നുണ്ട്.  

ഈ വാര്‍ത്ത കൂടി വായിക്കൂ 

മുഖ്യമന്ത്രിയുടെ ഗണ്‍മാനും എസ്‌കോര്‍ട്ട് പൊലീസുകാര്‍ക്കും അധിക സുരക്ഷ; വീടുകള്‍ക്ക് കാവല്‍​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ