തൃശൂര്‍: ഭക്തിസാന്ദ്രമായ അന്തരീക്ഷത്തില്‍ പത്തു ദിവസം നീണ്ടുനിന്ന ഗുരുവായൂര്‍ ക്ഷേത്രോത്സവത്തിന് ആറാട്ട് ചടങ്ങുകളോടെ സമാപനം. തുടര്‍ന്ന് നടന്ന കൊടിയിറക്കല്‍ ചടങ്ങോടെ ഈ വര്‍ഷത്തെ ഉത്സവത്തിന് ഔപചാരികമായി വിരാമമായി. ആയിരക്കണക്കിന് ഭക്തരുടെ സാന്നിധ്യത്തില്‍ ആഘോഷപരമായ രീതിയിലായിരുന്നു ആറാട്ട് ദിനത്തിലെ ചടങ്ങുകള്‍.

ആറാട്ട് ദിനമായ ഇന്നലെ പുലര്‍ച്ചെ മുതല്‍ ക്ഷേത്രത്തില്‍ വിവിധ പൂജകളും സംഗീതപരിപാടികളും നടന്നു. നാഗസ്വരത്തിന്റെ മംഗളനാദത്തില്‍ ആരംഭിച്ച ദിനാചരണങ്ങള്‍ ഭക്തര്‍ക്ക് ആത്മീയാനുഭവമായി. വൈകീട്ട് ആറേകാലോടെ നടന്ന ദീപാരാധനയ്ക്ക് ശേഷമാണ് ഗുരുവായൂരപ്പന്‍ ആറാട്ടിനായി ക്ഷേത്രത്തില്‍ നിന്ന് പുറത്തേക്ക് എഴുന്നള്ളിയത്.

സ്വര്‍ണ്ണക്കോലം ശിരസിലേറ്റി കൊമ്പന്‍ ദാമോദര്‍ ദാസ് ഭഗവാനെ വഹിച്ച് ആറാട്ടെഴുന്നള്ളിപ്പിന് നീങ്ങി. വാദ്യമേളങ്ങളുടെയും നാഗസ്വരത്തിന്റെയും മംഗളനാദം നിറഞ്ഞ അന്തരീക്ഷത്തില്‍ ഗ്രാമപ്രദക്ഷിണമായി എഴുന്നള്ളിപ്പ് മുന്നേറി. വഴിയൊരുക്കി നിന്ന ആയിരക്കണക്കിന് ഭക്തര്‍ ആറാട്ടെഴുന്നള്ളിയ ഗുരുവായൂരപ്പനെ നമിച്ച് അനുഗ്രഹം തേടി.

ഗ്രാമപ്രദക്ഷിണത്തിന് ശേഷം ആറാട്ട് ചടങ്ങുകള്‍ നടന്നു. ഭക്തജനങ്ങളുടെ സാന്നിധ്യത്തില്‍ ആചാരാനുഷ്ഠാനങ്ങളോടെയാണ് ആറാട്ട് പൂര്‍ത്തിയായത്. തുടര്‍ന്ന് നടന്ന കൊടിയിറക്കല്‍ ചടങ്ങോടെ പത്തു ദിവസം നീണ്ടുനിന്ന ഗുരുവായൂര്‍ ക്ഷേത്രോത്സവത്തിന് സമാപനം കുറിച്ചു. ഭക്തിസാന്ദ്രമായ ആചാരങ്ങളാലും വാദ്യമേളങ്ങളാലും ആയിരക്കണക്കിന് ഭക്തരുടെ പങ്കാളിത്തത്താലും ഇത്തവണത്തെ ആറാട്ട് ദിനാഘോഷം ശ്രദ്ധേയമായി.