തൃശൂര്: ബസ് സര്വീസ് നിര്ത്തി സമരത്തിനില്ലെന്നും, ജൂണ് അഞ്ച് മുതല് തിരുവനന്തപുരത്ത് അനിശ്ചിതകാല നിരാഹാര സമരം നടത്തുമെന്നും ബസ് ഓപ്പറേറ്റേഴ്സ് ഫെഡറേഷന്. തൃശൂരില് നടന്ന സമരപ്രഖ്യാപന കണ്വന്ഷനിലാണ് തീരുമാനം. സംസ്ഥാന പ്രസിഡന്റ് കെകെ തോമസ് നിരാഹാരം കിടക്കുമെന്ന് കണ്വന്ഷനില് തീരുമാനിച്ചു.
മരണം വരെ നിരാഹാരം കിടക്കുമെന്ന് കെകെ തോമസ് പറഞ്ഞു. വിദ്യാര്ഥികളുടെ യാത്രാ നിരക്ക് കൂട്ടണമെന്നും ഇന്നലെ സമരം പ്രഖ്യാപിച്ച ബസ് ഉടമകളുടെ സംഘടനയ്ക്കല്ല ശക്തിയെന്നും ബസ് ഓപ്പറേറ്റേഴ്സ് ഫെഡറേഷന് ഭാരവാഹികള് പറഞ്ഞു.
അതേസമയം, സമരത്തിലുറച്ച് നില്ക്കുകയാണെന്ന് ബസ് ഉടമ സംയുക്തസമരസമതി അറിയിച്ചു. സംസ്ഥാനത്ത് ജൂണ് 7 മുതല് നടത്തുമെന്ന് പ്രഖ്യാപിച്ച അനിശ്ചിതകാല ബസ് സമരം പിന്വലിക്കില്ലെന്ന് സമരസമിതി കണ്വീനര് ടി ഗോപിനാഥ് പറഞ്ഞു. ഗതാഗത വകുപ്പ് മന്ത്രി ആന്റണി രാജുവുമായി നടത്തിയ ചര്ച്ച പരാജയപ്പെട്ടു. ചര്ച്ചയില് മുന്നോട്ട് വെച്ച ആവശ്യങ്ങള്ക്ക് ഗതാഗത മന്ത്രി കൃത്യമായ മറുപടി നല്കിയില്ലെന്ന് ബസ് ഉടമകള് ആരോപിച്ചു.
ആവശ്യങ്ങള് പരിഗണിക്കാമെന്ന് മാത്രമാണ് മന്ത്രി അറിയിച്ചത്. ഇതോടെ സമരം നടത്തുമെന്ന് കാണിച്ച് ഗതാഗതമന്ത്രിക്ക് നോട്ടീസ് നല്കിയതായും സമരസമിതി കണ്വീനര് ടി ഗോപിനാഥ് അറിയിച്ചു. വിദ്യാര്ത്ഥികളുടെ മിനിമം കണ്സഷന് 5 രൂപയാക്കണം,കണ്സഷന് നിരക്ക് ടിക്കറ്റിന്റെ 50 ശതമാനമാക്കണം, കണ്സഷന് പ്രായപരിധി നിശ്ചയിക്കണം തുടങ്ങി വിവിധ ആവശ്യങ്ങളാണ് സ്വകാര്യ ബസുടമകള് മുന്നോട്ട് വെക്കുന്നത്
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates