കാസര്കോട്: വ്യാജ രേഖയുമായി ബന്ധപ്പെട്ട് നീലേശ്വരം പൊലീസ് രജിസ്റ്റര് ചെയ്ത കേസിലും മുന്കൂര് ജാമ്യം തേടി മുന് എസ്എഫ്ഐ നേതാവ് കെ വിദ്യ. കാസര്കോട് ജില്ലാ സെഷന്സ് കോടതിയിലാണ് ജാമ്യാപേക്ഷ സമര്പ്പിച്ചത്. ജാമ്യ ഹര്ജി ഈ മാസം 24 ന് കോടതി പരിഗണിക്കും. പതിനഞ്ച് ദിവസമായി വിദ്യ ഒളിവിലാണ്.
അവിവാഹിതയാണ് എന്ന പരിഗണന നല്കണമെന്നാണ് ഈ ജാമ്യ ഹര്ജിയിലും വിദ്യ പറയുന്നത്. ജാമ്യം നിഷേധിക്കേണ്ട തരത്തിലുള്ള കുറ്റം ചെയ്തിട്ടില്ലെന്നും ഹര്ജിയില് വാദിക്കുന്നുണ്ട്.അതിനിടെ, അട്ടപ്പാടി കോളേജില് വ്യാജ പ്രവൃത്തിപരിചയ സര്ട്ടിഫിക്കറ്റ് ഹാജരാക്കിയെന്ന കേസില് പ്രതിയായ കെ വിദ്യ നല്കിയ മുന്കൂര് ജാമ്യാപേക്ഷ പരിഗണിക്കുന്നത് ഹൈക്കോടതി അടുത്തയാഴ്ചയിലേക്ക് മാറ്റി. ജസ്റ്റിസ് ബച്ചു കുര്യന് തോമസിന്റെ ബഞ്ചിലാണ് ഹര്ജി.
രാഷ്ട്രീയ നേട്ടത്തിന് വേണ്ടി കെട്ടിച്ചമച്ച കേസെന്നാണ് ഹൈക്കോടതിയില് നല്കിയ മുന്കൂര് ജാമ്യാപേക്ഷയില് വിദ്യയുടെ വാദം. ജാമ്യമില്ലാ വകുപ്പ് ചുമത്തിയത് നിലനില്ക്കില്ലെന്നും കേസ് അന്വേഷണവുമായി സഹകരിക്കാന് തയ്യാറെന്നും വിദ്യ കോടതിയെ അറിയിച്ചിരുന്നു. ജൂണ് ആറിനാണ് വിദ്യക്കെതിരെ കേസെടുത്തത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates