ന്യുഡല്‍ഹി: കേന്ദ്രസാഹിത്യ അക്കാദമിയുടെ യുവ, ബാലസാഹിത്യ പുരസ്‌കാരങ്ങള്‍ പ്രഖ്യാപിച്ചു. മലയാളത്തിലെ ബാലസാഹിത്യ പുരസ്‌കാരം പ്രിയ എഎസിനും യുവ സാഹിത്യ പുരസ്‌കാരം ഗണേഷ് പൂത്തൂരിനും ലഭിച്ചു. 50,000 രപയും ശിലാഫലകവും അടങ്ങുന്നതാണ് പുരസ്‌കാരം.

പ്രിയ എഎസിന്റെ 'പെരുമഴയത്തെ കുഞ്ഞിതളുകള്‍' എന്ന കൃതിക്കാണ് പുരസ്‌കാരം 2018-ലെ പ്രളയം പശ്ചാത്തലമായി രചിച്ച നോവലിന് മികച്ച ബാലസാഹിത്യനോവലിനുള്ള കേരളസാഹിത്യ അക്കാദമി പുരസ്‌കാരം നേടിയിട്ടുണ്ട്. 

ഡോ. പോള്‍ മണലില്‍, ബിഎസ് രാജീവ്, മുണ്ടൂര്‍ സേതുമാധവന്‍ എന്നിവരടങ്ങിയ ജൂറിയാണ് പുരസ്‌കാര ജേതാവിനെ തെരഞ്ഞെടുത്തത്. 

' അച്ഛന്റെ അലമാര'   എന്ന കവിതാസമാഹാരത്തിനാണ് ഗണേഷ് പുത്തൂരിന് പുരസ്‌കാരം. ഡോ. എംഎന്‍ വിനയകുമാര്‍, ഡോ. ഗീത പുതുശേരി, ഡോ. നെടുമുടി ഹരികുമാര്‍ എന്നിവരായിരുന്നു ജൂറി അംഗങ്ങള്‍. 

ഈ വാർത്ത കൂടി വായിക്കൂ

ചോദ്യം ചെയ്യലിനിടെ വിദ്യ കുഴഞ്ഞുവീണു, ആശുപത്രിയില്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ