തിരുവനന്തപുരം:  വോട്ടെണ്ണല്‍ രണ്ടു മണിക്കൂര്‍ പിന്നിട്ടപ്പോള്‍ പല മണ്ഡലങ്ങളിലും ലീഡ് നില  നാലായിരം കടന്നു. ബേപ്പൂരില്‍ സിപിഎമ്മിന്റെ പി എ മുഹമ്മദ് റിയാസ് 4075 വോട്ടുകള്‍ക്ക് മുന്നിട്ടുനില്‍ക്കുകയാണ്. പി എം നിയാസാണ് യുഡിഎഫ് സ്ഥാനാര്‍ത്ഥി. ചങ്ങനാശേരിയില്‍ എല്‍ഡിഎഫ് ഘടകകക്ഷിയായ കേരള കോണ്‍ഗ്രസിന്റെ ( എം) അഡ്വ ജോബ് മൈക്കിളാണ് മുന്നിട്ടുനില്‍ക്കുന്നത്. നാലായിരത്തിലധികം വോട്ടുകള്‍ക്കാണ് ലീഡ്.

ചേലക്കരയില്‍ കെ രാധാകൃഷ്ണന്‍ 5712 വോട്ടുകള്‍ക്ക് ലീഡ് ചെയ്യുകയാണ്. ചിറ്റൂരില്‍ എല്‍ഡിഎഫിന്റെ കെ കൃഷ്ണന്‍കുട്ടി( 7387), ഏലത്തൂരില്‍ എല്‍ഡിഎഫിന്റെ എ കെ ശശീന്ദ്രന്‍ ( 4087), ഇരവിപുരത്ത് എല്‍ഡിഎഫിന്റെ എം നൗഷാദ് ( 4798), കല്യാശേരിയില്‍ എല്‍ഡിഎഫിന്റെ എം വിജിന്‍ ( 6166), കൂത്തുപറമ്പില്‍ എല്‍ഡിഎഫിന്റെ കെ പി മോഹനന്‍ ( 4198), മട്ടന്നൂരില്‍ എല്‍ഡിഎഫിന്റെ കെ കെ ശൈലജ ( 4965), ഒല്ലൂരില്‍ എല്‍ഡിഎഫിന്റെ കെ രാജന്‍ ( 7581),  പയ്യന്നൂരില്‍ എല്‍ഡിഎഫിന്റെ ടി ഐ മധുസൂധനന്‍ (8490), പുതുക്കാട് എല്‍ഡിഎഫിന്റെ കെ കെ രാമചന്ദ്രന്‍ (7257), ഉടുമ്പന്‍ചോലയില്‍ എല്‍ഡിഎഫിന്റെ എംഎം മണി (9467), വൈക്കത്ത് സി കെ ആശ ( 6340) എന്നിങ്ങനെയാണ് ലീഡ് നില.