തിരുവനന്തപുരം: കോവിഡ് രോഗിയായ വയോധികനോട് കെഎസ്ഇബിയുടെ ക്രൂരത. തിരുവനന്തപുരത്ത് വൈദ്യുതി ബില് അടയ്ക്കാത്തതിനെ തുടര്ന്ന് കോവിഡ് ബാധിതരുടെ വീട്ടിലെ കണക്ഷന് വിച്ഛേദിച്ചു. 82 വയസുകാരനായ മുന് കെഎസ്ഇബി ഉദ്യോഗസ്ഥനായ രാജനോടാണ് ഈ ക്രൂരത. രോഗിയാണെന്നറിയിച്ചിട്ടും ബില് അടയ്ക്കാന് കെഎസ്ഇബി ഉദ്യോഗസ്ഥന് സാവാകാശം നല്കിയിട്ടില്ലെന്ന് വയോധികന് പറയുന്നു.
ഒടുവില് അയല്വാസിയോട് ഫോണ് വിളിച്ച് പറഞ്ഞതിന്റെ അടിസ്ഥാനത്തില് കെഎസ്ഇബിയില് പണം അടച്ചപ്പോഴാണ് കണക്ഷന് നല്കാന് അധികൃതര് തയ്യാറായത്. കഴിഞ്ഞ ദിവസമാണ് രാജന്റെ മകള്ക്ക് കോവിഡ് സ്ഥിരീകരീച്ചത്. ഇതേതുടര്ന്ന് വീട്ടുകാര് എല്ലാവരും ക്വാറന്റൈനിലാണ്. ബില് അടയ്ക്കാത്തതിനെ തുടര്ന്ന് കഴിഞ്ഞ ദിവസം കെഎസ്ഇബി ഉദ്യോഗസ്ഥര് വീട്ടില് വന്നിരുന്നു. കോവിഡ് ആണെന്നറിയിച്ചതിന് പിന്നാലെ കണക്ഷന് കട്ട് ചെയ്യാതെ പോകുകയായിരുന്നു.
എന്നാല് ഇന്ന് വീണ്ടും കെഎസ്ഇബി ഉദ്യോഗസ്ഥന് വീട്ടിലെത്തുകയും കണക്ഷന് കട്ട് ചെയ്യുകയുമായിരുന്നു. മേലുദ്യോഗസ്ഥന്റെ നിര്ദേശമാണെന്ന് പറഞ്ഞാണ് ഉദ്യോഗസ്ഥന് കണക്ഷന് വിച്ഛേദിച്ചതെന്ന് രാജന് പറഞ്ഞു. കണക്ഷന് കട്ട് ചെയ്തതിന് പിന്നാലെ രാജന് അയല്വാസികളോട് പറഞ്ഞതിന്റെ അടിസ്ഥാനത്തില് പണം അടച്ചതോടെ കണക്ഷന് തിരികെ നല്കാന് അധികൃതര് തയ്യാറായത്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates