തിരുവനന്തപുരം: കെഎസ്ആര്‍ടിസി ബസുകളുടെ ആധുനിക വത്കരണത്തിന് പിന്നാലെ ബസ് സ്റ്റാന്‍ഡുകളും നവീകരിക്കുന്നു. അത്യാധുനിക സൗകര്യങ്ങളോട് കൂടി അഞ്ച് ബസ് സ്റ്റാന്‍ഡുകളാണ് മുഖം മിനുക്കുന്നത്. പദ്ധതി മുന്നോട്ട് വയ്ക്കുന്ന സ്ഥലങ്ങളും ഡിസൈനുകളും ഗതാഗത മന്ത്രി കെ ബി ഗണേഷ്‌കുമാര്‍ പങ്കുവച്ചു.

കൊട്ടാരക്കര, കായംകുളം ചങ്ങനാശ്ശേരി, ആറ്റിങ്ങല്‍, ചെങ്ങന്നൂര്‍ തുടങ്ങി തെക്കന്‍ കേരളത്തിലാണ് ആദ്യഘട്ടത്തില്‍ നവീകരണം നടപ്പാക്കുന്നതെന്നും മന്ത്രി അറിയിച്ചു. ഫെയ്‌സ്ബുക്ക് പോസ്റ്റില്‍ പങ്കുവച്ച കുറിപ്പിലാണ് കെബി ഗണേഷ് കുമാര്‍ ഡിസൈന്‍ ഉള്‍പ്പെടെ പങ്കുവച്ചത്.

മന്ത്രിയുടെ പോസ്റ്റ്-

അടിപൊളി ബസുകള്‍ വരുമെന്ന് പറഞ്ഞു, വന്നു.

ഇനി ഇതാ അത്യാധുനിക സൗകര്യങ്ങളുള്ള ബസ് സ്റ്റേഷനുകള്‍...

ഡിജിറ്റല്‍ യുഗത്തിനനുസരിച്ച് KSRTC യും മാറുന്നു..

ഇതുവരെ നിങ്ങള്‍ ഞങ്ങള്‍ക്ക് നല്‍കിയ പിന്തുണയ്ക്ക് നന്ദി,.തുടര്‍ന്നും നിങ്ങളുടെ പിന്തുണ ഉണ്ടാകട്ടെ....

അത്യാധുനിക സൗകര്യങ്ങളോടെ പുതിയതായി നിര്‍മ്മിക്കുന്ന കൊട്ടാരക്കര, കായംകുളം ചങ്ങനാശ്ശേരി, ആറ്റിങ്ങല്‍, ചെങ്ങന്നൂര്‍ KSRTC ബസ് സ്റ്റാന്‍ഡുകളുടെ ഡിസൈന്‍...