കൊ​ച്ചി: സം​സ്ഥാ​ന​ത്ത് 25 സെന്റ് വരെയുള്ള ഭൂമി തരംമാറ്റം സൗജന്യമാക്കണമെന്ന് ഹൈക്കോടതി. ത​രം മാ​റ്റേ​ണ്ട ഭൂ​മി 25 സെ​ന്‍റി​ല്‍ കൂ​ടു​ത​ലെ​ങ്കി​ല്‍ അ​ധി​ക​മു​ള്ള സ്ഥ​ല​ത്തി​ന്‍റെ ന്യാ​യ​വി​ല​യു​ടെ 10 ശ​ത​മാ​നം മാ​ത്രം ഫീ​സാ​യി അ​ട​ച്ചാ​ല്‍ മ​തി​യെ​ന്നു ഹെെക്കോടതി ഉത്തരവിട്ടു. ഇ​തു സം​ബ​ന്ധി​ച്ച സംസ്ഥാന സർക്കാരിന്റെ അപ്പീൽ തള്ളി സിം​ഗി​ള്‍ ബെ​ഞ്ചി​ന്‍റെ വി​ധി ഹൈ​ക്കോ​ട​തി ഡി​വി​ഷ​ന്‍ ബ​ഞ്ച് ശ​രി​വ​ച്ചു.

ചീ​ഫ് ജ​സ്റ്റീ​സ് ആ​ശി​ഷ് ജെ ​ദേ​ശാ​യി, ജ​സ്റ്റീ​സ് വി ജി അ​രു​ണ്‍ എ​ന്നി​വ​രു​ള്‍​പ്പെ​ട്ട ഡി​വി​ഷ​ന്‍ ബെ​ഞ്ചി​ന്‍റെതാണ് സു​പ്ര​ധാ​ന ഉ​ത്ത​ര​വ്. തൊ​ടു​പു​ഴ സ്വ​ദേ​ശി​നി മൗ​ഷ്മി ആ​ന്‍ ജേ​ക്ക​ബ് ന​ല്‍​കി​യ ഹ​ര്‍​ജി​യി​ലാ​ണ് അ​ധി​ക ഭൂ​മി​ക്കു മാ​ത്രം ഫീ​സ് വാ​ങ്ങി​യാ​ല്‍ മ​തി​യെ​ന്നു സിം​ഗി​ള്‍ ബെ​ഞ്ച് നേ​ര​ത്തെ ഉ​ത്ത​ര​വി​ട്ടി​രു​ന്ന​ത്. നെൽവയൽ തണ്ണീർത്തട സംരക്ഷണ നിയമപ്രകാരം വിജ്ഞാപനം ചെയ്‌തിട്ടില്ലാത്ത ഭൂമി വാങ്ങിയതു 2017നു ശേഷമാണെങ്കിലും 25 സെന്റിന് താഴെയാണെങ്കിൽ തരം മാറ്റാൻ ഫീസ് ഇളവു നൽകണമെന്നു ഹൈക്കോടതി നിർദ്ദേശിച്ചിരുന്നു. ഇതിനെതിരെയാണു സർക്കാർ അപ്പീൽ നൽകിയത്.

ഈ വാര്‍ത്ത കൂടി വായിക്കൂ

കുടുംബത്തില്‍ വഴക്ക്; ഊട്ടിക്ക് കൊണ്ടുപോകാം എന്ന് പറഞ്ഞ് പെണ്‍കുട്ടിയുടെ സ്വര്‍ണ്ണമാലയും ഫോണും തട്ടി, ദമ്പതികള്‍ അറസ്റ്റില്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ