വാണിജ്യാവശ്യത്തിനുള്ള പാചകവാതക സിലിണ്ടറിന്റെ വില വീണ്ടും കൂട്ടി. 19 കിലോഗ്രാം സിലിണ്ടറിന് 61.50 രൂപയാണ് വർധിപ്പിച്ചത്. നാലുമാസത്തിനിടെ 157.50 രൂപയാണ് കൂടിയത്. അതേസമയം ഗാർഹിക സിലിണ്ടർ വിലയിൽ മാറ്റമില്ല. ഇതടക്കം അഞ്ചുവാർത്തകൾ ചുവടെ:
സ്വന്തം നാട്ടില് പരമ്പര നഷ്ടമായതിന്റെ നിരാശ മറികടക്കാന് ആശ്വാസ ജയം തേടി ഇന്ന് ഇന്ത്യ കളത്തിലിറങ്ങും. മുംബൈ വാങ്കഡെ സ്റ്റേഡിയത്തില് ന്യൂസിലന്ഡിനെതിരായ മൂന്നാം ടെസ്റ്റില് ജയത്തില് കുറഞ്ഞത് ഒന്നും ഇന്ത്യ സ്വപ്നം കാണുന്നില്ല. ഓസ്ട്രേലിയന് പരമ്പരയ്ക്ക് മുന്പ് ടീമിന്റെ ആത്മവിശ്വാസം വീണ്ടെടുക്കാന് ഇന്ത്യന് ടീമിന് ജയം അനിവാര്യമാണ്. ആദ്യ രണ്ടു ടെസ്റ്റിലും വിജയം നേടിയാണ് ന്യൂസിലന്ഡ് പരമ്പര സ്വന്തമാക്കിയത്.
ഇന്ന് നവംബർ 1, കേരളപ്പിറവി. ലോകത്തിന്റെ വിവിധ കോണുകളിലുള്ള മലയാളികൾ കേരളപ്പിറവി ദിനം ആഘോഷമായി കൊണ്ടാടുന്നു. കേരള സംസ്ഥാനം രൂപീകരിച്ചത്തിൻ്റെ ഓർമ്മയായിട്ടാണ് കേരളപ്പിറവി ആഘോഷിക്കുന്നത്. 68ാം പിറന്നാളാണ് കേരളത്തിന് ഇന്ന്. 1956 നവംബർ ഒന്നിനാണ് മലബാർ, കൊച്ചി, തിരുവിതാംകൂർ എന്നീ നാട്ടുരാജ്യങ്ങൾ ഒത്തുചേർന്ന് കേരളം ഉണ്ടാകുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates