തൃശൂര്‍:  രാഹുല്‍ മാങ്കൂട്ടത്തില്‍ പാര്‍ട്ടിക്ക് അകത്തോ പുറത്തോ എന്ന് കോണ്‍ഗ്രസ് വ്യക്തമാക്കണമെന്ന് ബിജെപി സംസ്ഥാന ജനറല്‍ സെക്രട്ടറി എംടി രമേശ്. ഇക്കാര്യത്തില്‍ കോണ്‍ഗ്രസിന്റെത് ഇരട്ടത്താപ്പാണ്. പാലക്കാട് തദ്ദേശ തെരഞ്ഞെടുപ്പില്‍ കോണ്‍ഗ്രസിന്റെ ചുമതല നിയന്ത്രിക്കുന്നത് രാഹുല്‍ ആണ് എന്നാണ് അറിയാന്‍ കഴിയുന്നത്. പാര്‍ട്ടിയില്‍ ഇല്ലാത്ത ഒരാള്‍ എങ്ങനെ പ്രചാരണം നയിക്കുമെന്നും രാഹുല്‍ ചോദിച്ചു. തൃശൂരില്‍ മാധ്യമങ്ങളോട് സംസാരിക്കുകയായിരുന്നു ബിജെപി നേതാവ്.

രാഹുലിന്റെ പേരില്‍ എഫ്‌ഐആര്‍ ഇട്ട് കേസ് എടുക്കാന്‍ തെളിവുള്ളപ്പോള്‍ സര്‍ക്കാര്‍ അതിന് തുനിയുന്നില്ല. കോണ്‍ഗ്രസും സിപിഎമ്മും തമ്മിലുള്ള ബാന്ധവമാണിത് വ്യക്തമാക്കുന്നത്. രാഹുലിനെ അറസ്റ്റ് ചെയ്യണമെന്നാണ് ബിജെപി ആവശ്യപ്പെടുന്നത്. നേരത്തെയും ബിജെപി ഇതേ ആവശ്യം മുന്നോട്ടുവച്ചിരുന്നുവെന്നും രമേശ് പറഞ്ഞു.