സംസ്ഥാനത്ത് ചൂട് സാധാരണയേക്കാള്‍ രണ്ടു ഡിഗ്രി മുതല്‍ മൂന്നു ഡിഗ്രി സെല്‍ഷ്യസ് വരെ ഉയര്‍ന്നേക്കാം. കൊല്ലം, പാലക്കാട്, കോഴിക്കോട്, പത്തനംതിട്ട, തൃശൂര്‍, കണ്ണൂര്‍ ജില്ലകളില്‍ താപനില ഉയരുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഒറ്റപ്പെട്ടയിടങ്ങളിൽ നേരിയ മഴയ്ക്കും സാധ്യതയുണ്ട്.

കണ്ണൂരിൻ്റെ പേര് പറഞ്ഞു അധികം വിമർശനം വേണ്ടെന്ന താക്കീതുമായി സിപിഎം സംസ്ഥാന സെക്രട്ടറി എംവി ഗോവിന്ദൻ. സിപിഎം സംസ്ഥാന സമ്മേളനത്തിൽ സംഘടനാ റിപ്പോർട്ടിൻമേലുള്ള ചർച്ചക്ക് മറുപടി പറയുമ്പോഴായിരുന്നു എം വി ഗോവിന്ദൻ്റെ താക്കീത്.

കേരളത്തിലെ സിപിഎമ്മിന്റെ അമരക്കാരനായി എം വി ഗോവിന്ദന്‍ തുടര്‍ന്നേക്കും. കൊല്ലത്ത് സമാപിക്കുന്ന 24-ാമത് സിപിഎം സംസ്ഥാന സമ്മേളനം, 71 കാരനായ മുന്‍ എക്‌സൈസ് മന്ത്രിയെ സംസ്ഥാന സെക്രട്ടറിയായി ഔദ്യോഗികമായി തെരഞ്ഞെടുക്കും. സിപിഎം സമ്മേളനം ഇന്ന് സമാപിക്കും

പൊതുമേഖലാ സ്ഥാപനങ്ങളിൽ സ്വകാര്യ മൂലധന (പിപിപി) സാധ്യതകൾ പ്രയോജനപ്പെടുത്തണമെന്ന സിപിഎമ്മിന്റെ മുതലാളിത്ത കാഴ്ചപ്പാടിലെ മാറ്റം സിപിഐ ഉൾപ്പെടെയുള്ള സഖ്യകക്ഷികളിൽ സൃഷ്ടിക്കുന്നത് അടിമുടി ആശയക്കുഴപ്പം. സിപിഎമ്മിനു അതിന്റെ ഇടതുപക്ഷ സ്വഭാവം നഷ്ടപ്പെട്ടോ എന്ന് സിപിഐയിലെ ഒരു വിഭാഗം നേതാക്കൾ ചിന്തിക്കുന്നു.

ചാംപ്യന്‍സ് ട്രോഫി കിരീടം തേടി ഇന്ത്യ ഇന്നിറങ്ങും. ഫൈനലില്‍ ന്യൂസിലന്‍ഡാണ് ഇന്ത്യയുടെ എതിരാളി. ദുബായ് ഇന്റര്‍നാഷണല്‍ ക്രിക്കറ്റ് സ്റ്റേഡിയത്തില്‍ ഉച്ചയ്ക്ക് 2.30ന് മത്സരം ആരംഭിക്കും

എറണാകുളം ജില്ലയിലെ കാഞ്ഞിരമറ്റം റെയിൽവേ സ്റ്റേഷന് സമീപം ബസ് കാത്തിരിപ്പ് ഷെൽട്ടറിൽ വച്ച, പിൻകോഡ് 682315 എന്നു രേഖപ്പെടുത്തിയ ചുവന്ന ലെറ്റർബോക്‌സാണ് കാണാതായി. പോസ്റ്റ് ഓഫീസിന്റെ പരാതിയിൽ വ്യാഴാഴ്ച മുളന്തുരുത്തി പൊലീസ് കേസ് രജിസ്റ്റർ ചെയ്തു അന്വേഷണം തുടങ്ങി