കണ്ണൂര്‍: സിപിഎമ്മിനെ കുരുക്കിലാക്കിയ കത്ത് വിവാദം പാര്‍ട്ടി പ്രശ്‌നമല്ലെന്നും രണ്ടാളുകള്‍ തമ്മിലുള്ള തര്‍ക്കം മാത്രമാണെന്നും സിപിഎം സംസ്ഥാന സെക്രട്ടേറിയറ്റ് അംഗം എം വി ജയരാജന്‍. രാജേഷിനെതിരെ ഷെര്‍ഷാദ് പരാതി കൊടുക്കുന്നു, ഭാര്യ ഷെര്‍ഷാദിനെതിരെ പരാതി കൊടുക്കുന്നു. അങ്ങോട്ടും ഇങ്ങോട്ടും കേസ് കൊടുക്കുന്നു. വിഷയം ഒരു പാര്‍ട്ടി പ്രശ്‌നമല്ല, രണ്ടാളുകള്‍ തമ്മിലുള്ള തര്‍ക്കം മാത്രമാണെന്നും ജയരാജന്‍ പറഞ്ഞു.
ആദ്യം വേണ്ടത് ആ സ്ത്രീക്ക് ജീവനാശം നല്‍കുകയാണ്. മാധ്യമങ്ങള്‍ കൂരിരുട്ടില്‍ പൂച്ചയെ തപ്പുകയാണ്. ഷെര്‍ഷാദിന്റെ ആരോപണങ്ങളില്‍ ഒരു സിപിഎം നേതാവിനും പങ്കില്ല. പച്ചക്കള്ളങ്ങള്‍ക്ക് അല്‍പായുസ് മാത്രം.
ലോകകേരള സഭയില്‍ ഒരുപാട് പേര്‍ വന്നിട്ടുണ്ട്. ഷെര്‍ഷാദിന്റെ ഭാര്യ കൊടുത്ത പരാതി ആദ്യം പരിശോധിക്കണം. നടന്‍ മമ്മൂട്ടിക്കെതിരെ വരെ പരാതി കൊടുത്തയാളാണ് ഷെര്‍ഷാദെന്നും ജയരാജന്‍ കണ്ണൂരില്‍ മാധ്യമങ്ങളോട് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates