ഗൂഗിൾ സേവനങ്ങളിലെ പിഴവുകൾ കണ്ടെത്തിയ മലയാളിക്ക് ഒരു കോടിയിലേറെ രൂപ പാരിതോഷികം. തിരുവനന്തപുരം നെടുമങ്ങാട് സ്വദേശി കെ എൽ ശ്രീറാമാണ് ഗൂഗിളിന്റെ സുരക്ഷാവീഴ്ച കണ്ടെത്തി വൾനറബിലിറ്റി റിവാർഡ് പ്രോഗാം 2022ൽ 2,3,4 സ്ഥാനങ്ങൾ സ്വന്തമാക്കിയത്. 1,35,979 യുഎസ് ഡോളർ അതായത് ഏകദേശം 1.11 കോടി രൂപയാണ് ഈ മിടുക്കൻ നേടിയത്. 

ഗൂഗിളിന്റെയും മറ്റും സേവനങ്ങളിലെയും സുരക്ഷാ വീഴ്ചകൾ കണ്ടെത്തി പ്രസിദ്ധീകരിക്കുന്നതാണ് വൾനറബിലിറ്റി റിവാർഡ് പ്രോഗാം. ശ്രീറാമും സുഹൃത്ത് ശിവനേഷ് അശോകും ചേർന്ന് നാല് റിപ്പോർട്ടുകളാണ് അയച്ചത്. ഇതിൽ മൂന്നെണ്ണവും സമ്മാനാർഹമായി. 

സ്ക്വാഡ്രൺ ലാബ്സ് എന്ന സ്റ്റാർട്ടപ് നടത്തുകയാണ് ശ്രീറാം. സൈബർ കടന്നുകയറ്റങ്ങളിൽ നിന്നു സ്ഥാപനങ്ങളെ സംരക്ഷിക്കുകയാണു സ്ക്വാഡ്രൻ ലാബ്സ് ചെയ്യുന്നത്. ചെന്നൈ സ്വദേശിയാണ് ശിവനേഷ് അശോക്.

ഈ വാര്‍ത്ത കൂടി വായിക്കൂ  

'സർ, മുജേ ബചാവോ'.. ലോട്ടറിയടിച്ചതിന് പിന്നാലെ സ്റ്റേഷനിൽ ഓടിക്കയറി അതിഥിത്തൊഴിലാളി; സുരക്ഷ ഒരുക്കി കേരള പൊലീസ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ