കണ്ണൂർ: പ്രശസ്ത മാപ്പിളപ്പാട്ട് ഗായകൻ പീർ മുഹമ്മദ്‌ അന്തരിച്ചു. 75 വയസ്സായിരുന്നു. കണ്ണൂർ മുഴപ്പിലങ്ങാട്ടെ വസതിയിൽ വച്ച് ഇന്ന് പുലർച്ചെയാണ് മരണം. വാര്‍ദ്ധ്യക്യസഹജമായ അസുഖങ്ങള്‍ മൂലമാണ് അന്ത്യം.

മാപ്പിളപ്പാട്ടിനെ ജനകീയമാക്കുന്നതില്‍ വലിയ പങ്ക് വഹിച്ച വ്യക്തിയാണ് പീർ മു​ഹമ്മദ്. തെങ്കാശിയില്‍ ജനിച്ച് പിന്നീട് അച്ഛനൊപ്പം തലശ്ശേരിയിലെത്തിയ പീർ നാലാം വയസ്സ് മുതൽ പാട്ട് പാടി തുടങ്ങി. ഏഴാം വയസ്സില്‍ അദ്ദേഹം തന്റെ ആദ്യ ​പാട്ട് റെക്കോർഡ് ചെയ്തു. വിദേശത്തടക്കം മാപ്പിളപ്പാട്ട് ഗാനമേളകള്‍ നടത്തിയിട്ടുള്ള പൂർ മുഹമ്മദ് കേരള മാപ്പിള കലാ അക്കാദമിയുടെ ഇശൽ ചക്രവർത്തി പുരസ്ക്കാര ജേതാവാണ്.

ഒട്ടകങ്ങള്‍ വരി വരി, കാഫ് മല കണ്ട പൂങ്കാറ്റേ തുടങ്ങി നിരവധി ഹിറ്റ് മാപ്പിളപ്പാട്ടുകൾ അദ്ദേഹത്തിന്റെ സംഭാവനയാണ്.