കോട്ടയം: കസ്റ്റഡിയിലെടുത്ത ആൺസുഹൃത്തിനെ വിട്ടയക്കണം എന്നാവശ്യപ്പെട്ട് പൊലീസിനു നേരെ പെൺകുട്ടിയുടെ അതിക്രമം. ചങ്ങനാശ്ശേരി തൃക്കൊടിത്താനം കൈലാത്തുപടിക്കു സമീപമാണ് സംഭവമുണ്ടായത്. യുവാവിനെ കസ്റ്റഡിയിലെടുത്തതിനു പിന്നാലെ പ്രായപൂർത്തിയാകാത്ത പെൺകുട്ടി പൊലീസുകാരെ ചീത്തവിളിക്കുകയും കയ്യേറ്റം ചെയ്യുകയുമായിരുന്നു. 

ഗോശാലപ്പറമ്പിൽ വിഷ്ണുവിന്റെ (19) അറസ്റ്റിനു പിന്നാലെയാണ് പ്രശ്നങ്ങളുണ്ടായത്. യുവാവിന്റെ വീട്ടിൽ സംശയാസ്പദമായ സാഹചര്യത്തിൽ പ്രായപൂർത്തിയാകാത്ത പെൺകുട്ടിയെ കണ്ടതായി പൊലീസിനു രഹസ്യവിവരംകിട്ടി. സംഭവം അന്വേഷിക്കാൻ തൃക്കൊടിത്താനം എസ്.എച്ച്.ഒ. അനൂപ് ഡ്രൈവർക്കൊപ്പം സ്ഥലത്തെത്തി. വിഷ്ണുവിനൊപ്പം പെൺകുട്ടിയുമുണ്ടായിരുന്നു. ചോദ്യം ചെയ്യലിന് ശേഷം വിഷ്ണുവിനെ പൊലീസ് കസ്റ്റഡിയിലെടുക്കുകയായിരുന്നു. 

വിഷ്ണുവിനെ ജീപ്പിൽനിന്നു ഇറക്കിവിടണമെന്നാവശ്യപ്പെട്ടാണ് പെൺകുട്ടി അതിക്രമം നടത്തിയതെന്ന് എസ്.എച്ച്‌.ഒ. പറഞ്ഞു. സംഭവമറിഞ്ഞ് നാട്ടുകാരും സ്ഥലത്തെത്തി. സ്റ്റേഷനിൽനിന്നുമെത്തിയ ശെൽവരാജ് ജീപ്പിന്റെ സൈഡിൽനിൽക്കുമ്പോൾ പെൺകുട്ടി ജീപ്പിന്റെ ഡോറടച്ചു. ഡോറിനിടയിൽപ്പെട്ട് ശെൽവരാജിന്റെ കൈപ്പത്തിക്കു പരിക്കേറ്റു. വിഷ്ണുവിനെ കോടതിയിൽ ഹാജരാക്കി റിമാൻഡുചെയ്തു. ബാറിൽ അക്രമം നടത്തിയതുൾപ്പെടെയുള്ള കേസ് ഇയാളുടെ പേരിലുണ്ടെന്ന് പൊലീസ് പറഞ്ഞു.

ഈ വാര്‍ത്ത കൂടി വായിക്കൂ 

കോട്ടയം മെഡിക്കല്‍ കോളജില്‍ ചികിത്സയിലിരുന്ന 18 കാരിയെ കാണാതായി; രണ്ടര മണിക്കൂറിന് ശേഷം കണ്ടെത്തി​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ