തിരുവനന്തപുരം: ഓടുന്ന ട്രെയിനിൽ ചാടിക്കയറാൻ ശ്രമിക്കുന്നതിനിടെ വീണ് യാത്രക്കാരന്റെ കൈ അറ്റു. തിരുവനന്തപുരത്ത് നിന്നും പൂന്നൈയിലേക്ക് പോവുകയായിരുന്ന നിസാമുദ്ദീൻ സൂപ്പർഫാസ്റ്റ് എക്‌സ്‌പ്രസിലെ യാത്രക്കാരനായ നാ​ഗ്പൂർ സ്വദേശി രവിയാണ് അപകടത്തിൽ പെട്ടത്.

ട്രെയിൻ കായംകുളത്ത് നിർത്തിയപ്പോൾ വെള്ളി വാങ്ങുന്നതിന് പുറത്തിറങ്ങിയതാണ് രവി. പിന്നീട് ട്രെയിൻ നീങ്ങിത്തുടങ്ങിയപ്പോൾ ചാടിക്കയറുന്നതിനിടെ യുവാവ് പ്ലാറ്റ്‌ഫോമിലേക്ക് വീഴുകയായിരുന്നു.

പ്ലാറ്റ്‌ഫോമിനും ട്രെയിനിനും ഇടയിൽ കൈ കുടുങ്ങി അറ്റു പോകുകയായിരുന്നു.സുരക്ഷാ ഉദ്യോ​ഗസ്ഥരും യാത്രക്കാരും ചേർന്ന് യുവാവിനെ ആദ്യം സ്വകാര്യ ആശുപത്രിയിലും പിന്നീട് വണ്ടാനം മെഡിക്കൽ കോളജിലും എത്തിക്കുകയായിരുന്നു.

ഈ വാര്‍ത്ത കൂടി വായിക്കൂ 

ഷാര്‍ജയില്‍ വാഹനാപകടത്തില്‍ രണ്ട് മലയാളികള്‍ മരിച്ചു; മൂന്ന് പേര്‍ക്ക് പരിക്ക് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ