ചേരാനെല്ലൂര്‍ വാഹനാപകടം: 17കാരന്റെ ജാമ്യഹര്‍ജിയില്‍ വിധി ഇന്ന്; തുഫാനില്‍ കുടുങ്ങിയ 40പേരുടെ സ്വത്ത് കണ്ടുകെട്ടും; ഇന്നത്തെ അഞ്ച് പ്രധാനവാര്‍ത്തകള്‍

കേരളത്തിന് യൂണിറ്റിന് 8.64 രൂപയ്ക്ക് വൈദ്യുതി കിട്ടുമെങ്കില്‍ എന്തിനാണ് തമിഴ്‌നാട്ടില്‍ വിജയ് സര്‍ക്കാര്‍ 41.50 രൂപയ്ക്ക് വൈദ്യുതി വാങ്ങുന്നതെന്ന് മുന്‍ മുഖ്യമന്ത്രിയും ഡിഎംകെ അധ്യക്ഷനുമായ എംകെ സ്റ്റാലിന്‍

Author : സമകാലിക മലയാളം ഡെസ്ക്

Edited By : Sujith

Updated:5th Nov, 2026 at 9:20 AM

ചേരാനെല്ലൂര്‍ വാഹനാപകടം: 17കാരന്റെ ജാമ്യം റദ്ദാക്കണമെന്ന ഹര്‍ജിയില്‍ വിധി ഇന്ന്

ചേരാനെല്ലൂര്‍ വാഹനാപകടം

ചേരാനെല്ലൂര്‍ കേസിലുള്‍പ്പെട്ട 17കാരന്റെ ജാമ്യം റദ്ദാക്കണമെന്ന പ്രോസിക്യൂഷന്‍ ആവശ്യത്തില്‍ ഇന്ന് കോടതി വിധി പറയും. പതിനേഴുകാരനെ ഒബ്‌സര്‍വേഷനില്‍ വിടണമെന്നതാണ് പൊലീസ് ആവശ്യം. എറണാകുളം അഡീഷണല്‍ സെഷന്‍കോടതിയാണ് ഹര്‍ജി പരിഗണിക്കുന്നത്. അതേസമയം, ജഡ്ജി നല്‍കിയ മുന്‍കൂര്‍ ജാമ്യാപേക്ഷ ഹൈക്കോടതി ഇന്ന് വീണ്ടും പരിഗണിക്കും.

Add as a preferred source on Google

ഓപ്പറേഷന്‍ തൂഫാന്‍; 40 പേരുടെ സ്വത്ത് കണ്ടുകെട്ടും

Operation Toofan

സംസ്ഥാനത്ത് മയക്കുമരുന്നു വ്യാപനം തടയാന്‍ ലക്ഷ്യമിട്ട് നടപ്പിലാക്കുന്ന 'ഓപ്പറേഷന്‍ തൂഫാന്‍' ദൗത്യത്തിന്റെ ഭാഗമായി, ലഹരിക്കടത്തിലൂടെ നിയമവിരുദ്ധമായി സമ്പാദിച്ച 40 പേരുടെ സ്വത്തുക്കള്‍ കണ്ടുകെട്ടാനുള്ള നടപടികള്‍ പൊലീസ് ആരംഭിച്ചു. ലഹരിക്കടത്തുമായി ബന്ധമുള്ള 148 ബാങ്ക് അക്കൗണ്ടുകള്‍ മരവിപ്പിച്ചതായും കേസുകളില്‍ ഉള്‍പ്പെട്ട 186 വാഹനങ്ങളും 801 മൊബൈല്‍ ഫോണുകളും കസ്റ്റഡിയില്‍ എടുത്തതായും നോഡല്‍ ഓഫീസര്‍ ഐജി പുട്ട വിമലാദിത്യ വാര്‍ത്താ സമ്മേളനത്തില്‍ അറിയിച്ചു.

ശബരിമല തീര്‍ത്ഥാടനം: ഭക്ഷ്യവസ്തുക്കളുടെ വിലയിലും തൂക്കത്തിലും കൃത്രിമത്വം പാടില്ല; വിലവിവര പട്ടിക 6 ഭാഷകളില്‍ പ്രദര്‍ശിപ്പിക്കണം

ശബരിമല തീര്‍ത്ഥാടനം: ഭക്ഷ്യവസ്തുക്കളുടെ വിലയിലും തൂക്കത്തിലും കൃത്രിമത്വം പാടില്ല

ചെങ്ങന്നൂര്‍ താലൂക്കിലെ ഇടത്താവളങ്ങളില്‍ അന്യസംസ്ഥാനങ്ങളില്‍ നിന്നുമെത്തുന്ന ശബരിമല തീര്‍ത്ഥാടകര്‍ക്കായി പ്രദേശത്തെ ഭക്ഷ്യ വ്യാപാര സ്ഥാപനങ്ങള്‍/ ഹോട്ടലുകള്‍/ റസ്റ്റോറന്റുകള്‍ എന്നിവിടങ്ങളിലെ വിലവിവര പട്ടിക 6 ഭാഷകളില്‍ പ്രദര്‍ശിപ്പിക്കാന്‍ വ്യാപാരികള്‍ക്ക് നിര്‍ദേശം. ശബരിമല മണ്ഡല-മകര വിളക്ക് തീര്‍ത്ഥാടനത്തോടനുബന്ധിച്ച് ബേക്കറികളിലെയും റസ്റ്റോറന്റ് അനുബന്ധ സ്ഥാപനങ്ങളിലെ വ്യാപരികളുമായി റവന്യൂ ഡിവിഷണല്‍ ഓഫീസറുടെ അധ്യക്ഷതയില്‍ ചേര്‍ന്ന യോഗത്തിലാണ് നിര്‍ദേശം നല്‍കിയത്.

കേരളത്തിന് 8.64 രൂപയ്ക്ക് വൈദ്യുതി കിട്ടുമെങ്കില്‍ വിജയ് എന്തിന് 41.50 രൂപയ്ക്ക് വാങ്ങണം?; ടിവികെയുടെ ഇടപാടില്‍ അന്വേഷണം വേണമെന്ന് സ്റ്റാലിന്‍

സ്റ്റാലിന്‍, വിജയ്‌

കേരളത്തിന് യൂണിറ്റിന് 8.64 രൂപയ്ക്ക് വൈദ്യുതി കിട്ടുമെങ്കില്‍ എന്തിനാണ് തമിഴ്‌നാട്ടില്‍ വിജയ് സര്‍ക്കാര്‍ 41.50 രൂപയ്ക്ക് വൈദ്യുതി വാങ്ങുന്നതെന്ന് മുന്‍ മുഖ്യമന്ത്രിയും ഡിഎംകെ അധ്യക്ഷനുമായ എംകെ സ്റ്റാലിന്‍. തമിഴ്‌നാട്ടില്‍ വിജയ് സര്‍ക്കാരിന്റെ വൈദ്യുതി ഇടപാടില്‍ സമഗ്രഅന്വേഷണം വേണമെന്നും അദ്ദേഹം ആവശ്യപ്പെട്ടു. കെഎസ്ഇബി ചെയര്‍മാന്‍ എംജി രാജമാണിക്യത്തിന്റെ മാറ്റത്തിന് കാരണമായ വൈദ്യുതി വാങ്ങല്‍ തര്‍ക്കത്തെക്കുറിച്ചുള്ള ന്യൂഇന്ത്യന്‍ എക്‌സ്പ്രസ് ദിനപത്രത്തിലെ റിപ്പോര്‍ട്ട് ചൂണ്ടിക്കാട്ടിയാണ് വിജയ് സര്‍ക്കാരിനെതിരെ സ്റ്റാലിന്‍ രംഗത്തെത്തിയത്.

അമ്പമ്പോ! ബ്രസീലില്‍ കളിക്കിടെ 51 റെഡ് കാര്‍ഡുകള്‍; താരങ്ങള്‍ തമ്മില്‍ കൂട്ടത്തല്ല്; പാതിയില്‍ നിര്‍ത്തി മത്സരം; വിഡിയോ

ബ്രസീലില്‍ കളിക്കിടെ 51 റെഡ് കാര്‍ഡുകള്‍

സ്വപ്‌നത്തില്‍ പോലും കാണാന്‍ കഴിയില്ല. ബ്രസീലില്‍ നടന്ന ഒരു ഫുട്‌ബോള്‍ മത്സരത്തില്‍ റഫറി ഉയര്‍ത്തിയത് 51 റെഡ് കാര്‍ഡുകള്‍. തുടര്‍ന്ന് കളി പാതിവഴിയില്‍ അവസാനിപ്പിച്ചു. റെഡ്കാര്‍ഡില്‍ ലോകറെക്കോര്‍ഡ് സൃഷ്ടിച്ചിരിക്കുകയാണ് ഈ മത്സരം. മിനാസ് ഗെറൈസിലെ എസ്റ്റാഡിയോ പാര്‍ക്ക് ഡോ സബിയ സ്റ്റേഡിയത്തില്‍ നടന്ന അണ്ടര്‍-20 കാംപിയോനാറ്റോ മിനെയ്‌റോ (സെക്കന്‍ഡ് ഡിവിഷന്‍) സെമിഫൈനലില്‍ ആതിഥേയരായ ഉബര്‍ലാന്‍ഡിയയും അയല്‍ക്കാരായ മമോറെയും തമ്മില്‍ ഏറ്റുമുട്ടിയപ്പോഴായിരുന്നു സംഭവം.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates

ON GOOGLE DISCOVER

ചേരാനെല്ലൂര്‍ വാഹനാപകടം: 17കാരന്റെ ജാമ്യം റദ്ദാക്കണമെന്ന ഹര്‍ജിയില്‍ വിധി ഇന്ന്

ഓപ്പറേഷന്‍ തൂഫാന്‍; 40 പേരുടെ സ്വത്ത് കണ്ടുകെട്ടും

Also Read

ചേരാനെല്ലൂര്‍ വാഹനാപകടം: 17കാരന്റെ ജാമ്യം റദ്ദാക്കണമെന്ന ഹര്‍ജിയില്‍ വിധി ഇന്ന്

ഓപ്പറേഷന്‍ തൂഫാന്‍; 40 പേരുടെ സ്വത്ത് കണ്ടുകെട്ടും

38 നോട്ടൗട്ട്; "ചിയേഴ്‌സ്... ചെയ്‌സ് മാസ്റ്റര്‍..."