ഡോ. യൂഹാനോന്‍ മാര്‍ ദീയസ്‌കോറോസ് മെത്രാപ്പോലീത്താ  
Kerala

'വിചിത്രമായ നിയമോപദേശത്തില്‍ സഭയ്ക്ക് വലിയ മുറിവേറ്റു'; സര്‍ക്കാരിനെതിരെ ഓര്‍ത്തഡോക്‌സ് സഭ

ഓര്‍ത്തഡോക്‌സ്‌-യാക്കോബായ സഭാതര്‍ക്കത്തില്‍ എരിതീയില്‍ എണ്ണ ഒഴിക്കുന്ന തരത്തിലുള്ള പ്രതികരണങ്ങള്‍ നടത്തേണ്ടതില്ലെന്ന് സ്പീക്കര്‍ തിരുവഞ്ചൂര്‍ രാധാകൃഷ്ണന്‍ പറഞ്ഞു

Author : സമകാലിക മലയാളം ഡെസ്ക്
Edited By : Amal Joy

കോട്ടയം: പാത്രിയര്‍ക്കീസ് ബാവയുടെ മണര്‍കാട് സന്ദര്‍ശനത്തില്‍ സംസ്ഥാന സര്‍ക്കാരിനെതിരെയുള്ള അതൃപ്തി പ്രകടപ്പിച്ച് ഓര്‍ത്തഡോക്‌സ് സഭ. സഭയ്ക്കേറ്റ മുറിവ് ഗൗരവത്തോടെ കാണണമെന്ന് ഓര്‍ത്തഡോക്‌സ് സഭ മാധ്യമവിഭാഗം അധ്യക്ഷന്‍ ഡോ. യൂഹാനോന്‍ മാര്‍ ദീയസ്‌കോറോസ് മെത്രാപ്പോലീത്താ പറഞ്ഞു.

വിചിത്രമായ നിയമോപദേശത്തിലൂടെ സഭയ്ക്കുണ്ടായത് വലിയ മുറിവാണ്. ആ മുറിവുണ്ടാക്കിയവര്‍ തന്നെ അത് ഉണക്കണമെന്നും അദ്ദേഹം ആവശ്യപ്പെട്ടു. കോട്ടയം മൂലേടം പള്ളിയില്‍ സ്പീക്കര്‍ തിരുവഞ്ചൂര്‍ രാധാകൃഷ്ണനെ വേദിയിലിരുത്തിക്കൊണ്ടായിരുന്നു അദ്ദേഹം അതൃപ്തി അറിയിച്ചത്.

'മലങ്കര ഓര്‍ത്തഡോക്‌സ് സുറിയാനി സഭയ്ക്കും അതിന്റെ സത്യത്തിനും വേണ്ടി ചില കാര്യങ്ങള്‍ കൃത്യമായി തുറന്നുപറയേണ്ടി വരുമ്പോള്‍, രക്തസാക്ഷിത്വം ഏറ്റുവാങ്ങേണ്ടിവന്നാലും അതിന് തയ്യാറാണ്. വിചിത്രമായ നിയമോപദേശം മൂലം മലങ്കര സഭയ്ക്കേറ്റ മുറിവ് ഉണക്കിയെടുക്കേണ്ടത് ആവശ്യമാണ്. ആരാണോ ആ മുറിവ് ഉണ്ടാക്കിയത്, അവര്‍ തന്നെ മുറിവുണങ്ങാനായി ശ്രദ്ധിക്കണമെന്ന്, ഏറ്റവും ബഹുമാന്യനായ തിരുവഞ്ചൂര്‍ രാധാകൃഷ്ണന്‍ സാറിന്റെ മുമ്പില്‍ വെച്ച് പറയുകയാണ്,' അദ്ദേഹം പറഞ്ഞു.

അതേസമയം ഓര്‍ത്തഡോക്‌സ്‌-യാക്കോബായ സഭാതര്‍ക്കത്തില്‍ എരിതീയില്‍ എണ്ണ ഒഴിക്കുന്ന തരത്തിലുള്ള പ്രതികരണങ്ങള്‍ നടത്തേണ്ടതില്ലെന്ന് സ്പീക്കര്‍ തിരുവഞ്ചൂര്‍ രാധാകൃഷ്ണന്‍ പറഞ്ഞു. ദീര്‍ഘകാലമായി നിലനില്‍ക്കുന്ന പ്രശ്‌നമാണിതെന്നും എല്ലാവരും ആഗ്രഹിക്കുന്നത് പ്രശ്‌നങ്ങള്‍ പരിഹരിച്ച് മുന്നോട്ടുപോകാനാണെന്നും തിരുവഞ്ചൂര്‍ പറഞ്ഞു. സഭാതര്‍ക്കവുമായി ബന്ധപ്പെട്ട വിഷയത്തില്‍ പ്രത്യേകിച്ച് ഒരു അഭിപ്രായവും പറയാനില്ലെന്നും പ്രശ്‌നങ്ങള്‍ക്ക് പരിഹാരം കാണുകയാണ് വേണ്ടതെന്നും സ്പീക്കര്‍ വ്യക്തമാക്കി.

പാത്രിയര്‍ക്കീസ് ബാവായുടെ മണര്‍കാട് പള്ളിയിലെ പ്രവേശനവുമായി ബന്ധപ്പെട്ട് സര്‍ക്കാരിനെ കുറ്റപ്പെടുത്തേണ്ടെന്നാണ് ശ്രേഷ്ഠ ബസേലിയോസ് ജോസഫ് കാതോലിക്ക ബാവ പ്രതികരിച്ചത്. സര്‍ക്കാര്‍ നിയമവിരുദ്ധമായി ഒന്നും ചെയ്തിട്ടില്ല. നിയമവിരുദ്ധമായി എന്തെങ്കിലുമുണ്ടെങ്കില്‍ കോടതിയെ സമീപിക്കാമെന്നും യാക്കോബായ സഭ ത്യാഗം ചെയ്യാന്‍ തയാറാണെന്നും ശ്രേഷ്ഠ കാതോലിക്ക ബാവ പറഞ്ഞു. കേരളത്തില്‍ എത്തിയ യാക്കോബായ സുറിയാനി സഭയുടെ പരമാധ്യക്ഷ്യന്‍ പരിശുദ്ധ ഇഗ്‌നാത്തിയോസ് അപ്രേം ദ്വിതീയന്‍ പാത്രിയര്‍ക്കീസ് ബാവാ ബെയ്‌റൂട്ടിലേക്ക് മടങ്ങി. സന്ദര്‍ശനം ഫലപ്രദമായിരുന്നെന്നും സഭാ തര്‍ക്കം അവസാനിക്കാന്‍ തുറന്ന മനസോടെയുള്ള ചര്‍ച്ചകള്‍ തുടരണമെന്നും പാത്രിയര്‍ക്കീസ് ബാവ നെടുമ്പാശേരി വിമാനത്താവളത്തില്‍ പറഞ്ഞു.

'The Church has suffered a severe wound due to strange legal advice'; Orthodox Church against the government

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഞങ്ങൾ നിങ്ങളെ കണ്ടെത്തും'; മിനാബ് സ്‌കൂൾ ആക്രമണത്തിൽ 2 യുഎസ് നാവിക ഉദ്യോഗസ്ഥരെ പേരെടുത്ത് ഭീഷണിപ്പെടുത്തി ഇറാൻ

എൽപിഎസ്ടി സമരം: ഉദ്യോഗാർഥികളുമായി വീണ്ടും ചർച്ചയ്ക്ക് തയ്യാറെന്ന് മന്ത്രി എൻ ഷംസുദ്ദീൻ

35,000ല്‍ താഴെ വില, 50 എംപി പ്രധാന കാമറ, 7000 എംഎഎച്ച് ബാറ്ററി; മോട്ടോ എഡ്ജ് 70 നിയോ ലോഞ്ച് ഈ മാസം അവസാനം

'എന്റെ ഏയ്ഞ്ചല്‍ ബ്രദര്‍'; 'അതിമനോഹരം' നിങ്ങളുടെ ബെസ്റ്റ് ആയിരുന്നുവെന്ന് ലോകം പറയും; വൈകാരിക കുറിപ്പുമായി തരുണ്‍ മൂര്‍ത്തി

കൂടുതല്‍ നേട്ടം, ട്രഷറി ഡെപ്പോസിറ്റ് എഫ്ഡി ലാഡറിങ് സ്ട്രാറ്റജി; കൂടെ എസ്‌ഐപിയും