തിരുവനന്തപുരം: എറണാകുളം മഹാരാജാസ് കോളജിൽ മന്ത്രി റോജി എം ജോണിനെ തടഞ്ഞതിനെ ന്യായീകരിച്ച് എസ്എഫ്‌ഐ സംസ്ഥാന സെക്രട്ടറി പി എസ് സഞ്ജീവ്. ചോദ്യങ്ങളെ പേടിക്കുന്നത് ഫാഷിസ്റ്റ് പ്രവണതയാണ്. മഹാരാജാസ് കോളജിലെ വൈസ് ചെയര്‍പേഴ്‌സണ്‍ ഉയര്‍ത്തിയ ചോദ്യത്തിന് മന്ത്രി റോജി എം ജോണ്‍ ഉത്തരം പറയണമെന്നും എസ്എഫ്‌ഐ സംസ്ഥാന സെക്രട്ടറി ആവശ്യപ്പെട്ടു.

അടിയന്തരാവസ്ഥ കാലത്ത് ഇന്ദിരയോട് ചോദിച്ചിട്ടുണ്ട്. അനീതി എവിടെ കണ്ടാലും ആരോടും, എവിടെയും ചെന്ന് ചോദിക്കുക തന്നെ ചെയ്യും. 16 കുട്ടികളെ പുറത്താക്കിയതിന്റെ കാരണമാണ് വൈസ് ചെയർപേഴ്സൺ ചോദിച്ചത്. ഇതിനുത്തരം പറയാന്‍ റോജി എം.ജോണിന് കഴിയില്ലെന്നതാണ് ഈ ചോദ്യത്തിന്റെ തെറ്റെന്നും സഞ്ജീവ് ഫെയ്സ്ബുക്കില്‍ കുറിച്ചു.

ഫെയ്സ്ബുക്ക് കുറിപ്പിന്റെ പൂർണരൂപം:

അടിയന്തരാവസ്ഥ കാലത്ത് ഇന്ദിരയോട് ചോദിച്ചിട്ടുണ്ട്. ജെ.എൻ.യു വിസി സ്ഥാനം രാജിവെക്കാൻ ആവശ്യപ്പെട്ടിട്ടുമുണ്ട്, റോജിയോടും ചോദിക്കും അനീതി എവിടെ കണ്ടാലും ആരോടും, എവിടെയും ചെന്ന് ചോദിക്കുകയും ചെയ്യും.16 കുട്ടികളെ പുറത്താക്കിയ കാരണം ആദ്യം പറയു? ഈ ചോദ്യത്തിൽ എന്താണ് തെറ്റ്. ഇതിനുത്തരം പറയാൻ റോജി. എം.ജോണിന് കഴിയില്ല എന്നതാണ് ഈ ചോദ്യത്തിന്റെ തെറ്റ്. ചോദ്യങ്ങളെ പേടിക്കുന്നത് ഫാസിസ്റ്റ് പ്രവണതയാണ്. മഹാരാജാസ് കോളജിലെ വൈസ് ചെയർപേഴ്സൺ ചോദ്യമാണ് ഉയർത്തിയത്.അതിനുത്തരം ഉണ്ടെങ്കിൽ പറയു.