പഹല്ഗാം ഭീകരാക്രമണത്തിന്റെ ഭാഗമായ ഒരു അക്രമിയെയും വെറുതെ വിടില്ലെന്ന് കേന്ദ്ര ആഭ്യന്തര മന്ത്രി അമിത് ഷായുടെ മുന്നറിയിപ്പ്. പഹല്ഗാം ഭീകരാക്രമണത്തിന് പിന്നില് പ്രവര്ത്തിച്ച ഒരോരുത്തരേയും ഞങ്ങള് വേട്ടയാടും. 26 പേരെ വകവരുത്തി വിജയിച്ചു എന്ന് നിങ്ങള് കരുതരുത്. അക്രമങ്ങള്ക്ക് നിങ്ങളില് ഓരോരുത്തരും ഉത്തരം പറയേണ്ടിവരുമെന്നും അമിത് ഷാ അസമില് പ്രതികരിച്ചു. . വോട്ടര്പട്ടിക സുതാര്യമാക്കാന് മൂന്ന് പുതിയ പരിഷ്കാരങ്ങളുമായി തെരഞ്ഞെടുപ്പ് കമ്മീഷന്. മരണം ഇലക്ട്രോണിക് രീതിയില് രജിസ്റ്റര് ചെയ്ത ഡാറ്റ തെരഞ്ഞെടുപ്പ് പട്ടിക പുതുക്കലിനായി ലഭ്യമാക്കും, ബിഎല്ഒ മാര്ക്ക് സ്റ്റാന്ഡേര്ഡ് ഫോട്ടോ ഐഡി കാര്ഡ് നല്കും. വോട്ടര് ഇന്ഫര്മേഷന് സ്ലിപ്പുകള് കൂടുതല് വോട്ടര് സൗഹൃദമാക്കും തുടങ്ങിയവയാണ് മൂന്ന് പരിഷ്കാരങ്ങള്..കേരളത്തിന്റെ സ്വപ്നപദ്ധതിയായ വിഴിഞ്ഞം അന്താരാഷ്ട്ര തുറമുഖം രാജ്യത്തിന് സമര്പ്പിക്കുന്നതിനായി പ്രധാനമന്ത്രി നരേന്ദ്രമോദി സംസ്ഥാനത്തെത്തി. വെള്ളിയാഴ്ച രാവിലെ 11-ന് തുറമുഖത്ത് തയ്യാറാക്കിയ പ്രത്യേകവേദിയില് പൂര്ണതോതില് പ്രവര്ത്തനമാരംഭിച്ച തുറമുഖത്തിന്റെ ഔദ്യോഗിക ഉദ്ഘാടനം പ്രധാനമന്ത്രി നിര്വഹിക്കും..വേതനവര്ധന അടക്കം ആവശ്യപ്പെട്ട് ആശ വര്ക്കര്മാര് സെക്രട്ടറിയേറ്റിന് മുന്നില് നടത്തി വന്ന നിരാഹാര സമരം അവസാനിപ്പിച്ചു. രാപകല് സമര യാത്ര ആരംഭിക്കുന്ന സാഹചര്യത്തിലാണ് തീരുമാനം. 43-ാം ദിവസമാണ് റിലേ നിരാഹാര സമരം അവസാനിപ്പിക്കുന്നത്..ജമ്മു കശ്മീര് അതിര്ത്തിയില് വീണ്ടും പാകിസ്ഥാന്റെ പ്രകോപനം തുടരുന്നു. തുടര്ച്ചയായ ഏഴാം ദിവസവും പാകിസ്ഥാന് വെടിനിര്ത്തല് കരാര് ലംഘനം തുടര്ന്നു. നിയന്ത്രണരേഖയില് കുപ്വാര, ഉറി, അഖിനൂര് സെക്ടറുകളിലാണ് പാകിസ്ഥാന് ഇന്ത്യന് സൈനിക പോസ്റ്റുകള്ക്ക് നേരെ വെടിയുതിര്ത്തത്. ഇന്ത്യന് സൈന്യം ശക്തമായി തിരിച്ചടിക്കുകയും ചെയ്തു..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates