തൃശൂര്‍: നിരന്നു നില്‍ക്കുന്ന ആനകള്‍ക്ക് മുകളില്‍ ഓരോ തവണയും കുടകള്‍ നിവര്‍ത്തുന്ന നിമിഷം തൃശൂര്‍ പൂരപറമ്പിലുയരുന്ന തിരയിളക്കം കുറച്ചൊന്നുമല്ല. ഇത്തവണ തൃശൂര്‍ പൂരത്തിന് തിരുവമ്പാടി വിഭാഗത്തിനായി അരണാട്ടുകര പുരുഷോത്തമനും പാറമേക്കാവിനായി കിഴക്കേപുരയ്ക്കല്‍ വസന്തനുമാണ് വര്‍ണങ്ങള്‍ കൊണ്ട് ഞെട്ടിക്കാന്‍ വ്യത്യസ്തതകള്‍ കൂട്ടിച്ചേര്‍ത്ത് കുട ഒരുക്കുന്നത്.
തൃശൂര്‍ പൂരത്തിന് ഇനി രണ്ടുദിവസം മാത്രം ശേഷിക്കേ, കുട നിര്‍മാണം അന്തിമഘട്ടത്തിലാണ്. അച്ഛനൊപ്പം കുടനിര്‍മ്മാണം ആരംഭിച്ച വസന്തന്‍ നാല്‍പ്പത്തഞ്ചാം വര്‍ഷമാണ് തൃശൂര്‍ പൂരത്തിനായി കുടകള്‍ ഒരുക്കുന്നത്. മൂന്നുമാസമായി ഇതുപതു സഹായികളുമൊത്ത് കുടനിര്‍മ്മാണത്തിലാണ് ഇരുവിഭാഗവും.
തിരുവമ്പാടി -പാറമേക്കാവ് വിഭാഗങ്ങളിലായി 1000ന് മുകളില്‍ കുടകളാണ് തയ്യാറാക്കുന്നത്. കൃത്യമായ കണക്കുകള്‍ ഒരിക്കലും പുറത്തുപറയുകയില്ല. പൂരം നാളില്‍ മാത്രം പുറത്തിറക്കുന്ന സ്പെഷ്യല് കുടകള്‍ രഹസ്യകേന്ദ്രങ്ങളില്‍ ഒരുക്കുന്നുണ്ട്. വ്യത്യസ്തവും കഴിഞ്ഞ തവണേത്തേക്കാള്‍ മനോഹരവുമായ കുടകള്‍ ഉയരുമെന്നാണ് ചുമതലക്കാര്‍ നല്‍കുന്ന ഉറപ്പ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates