മലപ്പുറം: കുടുംബ വഴക്കിനിടെ കിണറ്റിൽ ചാടിയ ദമ്പതികളെ അഗ്‌നിശമനസേന രക്ഷപ്പെടുത്തി. 45 കാരനായ ശ്രീനിവാസനെയും ഭാര്യ ലക്ഷ്മിയെയുമാണ്(44) രക്ഷപെടുത്തിയത്. കഴിഞ്ഞ ദിവസം പുലർച്ചെ മഞ്ചേരിയിലാണ് സംഭവം. 

വഴക്ക് മൂർച്ഛിച്ചതോടെ ഗർഭിണിയായ ഭാര്യ കിണറ്റിലേക്ക് എടുത്തു ചാടുകയായിരുന്നു. ഭാര്യയുടെ അപ്രതീക്ഷിത നീക്കത്തിൽ പകച്ച ശ്രീനിവാസനും പിന്നാലെ ചാടി. 30 അടി താഴ്ചയുള്ള കിണറ്റിലാണ് ദമ്പതികൾ കുടുങ്ങിയത്. ഇവരുടെ മകനാണ് പൊലീസിനെയും ഫയർഫോഴ്സിനെയും വിവരമറിയിച്ചത്.