പ്രിയങ്ക ഗാന്ധി പങ്കുവച്ച ചിത്രം 
Kerala

'ഇത് ഫോട്ടോ ഷൂട്ടോ, പിആര്‍ സ്റ്റണ്ടോ അല്ല; ഒരു നോട്ടം മതി, ഒരു ഹൃദയത്തില്‍ നിന്ന് മറ്റൊരു ഹൃദയത്തിലേക്ക് എത്താന്‍'

വാക്കുകളില്ലാതെ, സ്പര്‍ശമില്ലാതെ, പരസ്പരം അറിയുകയും അറിയപ്പെടുകയും ചെയ്യുന്ന ഒരു സ്‌നേഹനിമിഷം.

Author : സമകാലിക മലയാളം ഡെസ്ക്
Edited By : Sujith

കൊച്ചി: വയനാട് സന്ദര്‍ശനത്തിനിടെ കുട്ടികള്‍ക്കൊപ്പമുള്ള ചിത്രം സാമൂഹിക മാധ്യമങ്ങളില്‍ പങ്കുവച്ച കോണ്‍ഗ്രസ് എംപി പ്രിയങ്ക ഗാന്ധിയുടെത് പിആര്‍ സ്റ്റണ്ടോ ഫോട്ടോ ഷൂട്ടോ അല്ലെന്ന് ഡോ. ബി ഇക്ബാല്‍. 'രാഷ്ട്രീയത്തിനും പ്രചാരണത്തിനും അപ്പുറം, മനുഷ്യര്‍ തമ്മിലുള്ള നിഷ്‌കളങ്കമായ അടുപ്പത്തിന്റെ ഒരു നിമിഷമാണ് ഈ ചിത്രത്തില്‍ കാണാനാകുന്നതെന്ന് ബി ഇക്ബാല്‍ പറഞ്ഞു. 'ചിലപ്പോള്‍ ഒരു നോട്ടം മതി, ഒരു ഹൃദയത്തില്‍ നിന്ന് മറ്റൊരു ഹൃദയത്തിലേക്ക് എത്താന്‍'- അദ്ദേഹം ഫെയ്‌സ്ബുക്കില്‍ കുറിച്ചു.

'പ്രിയങ്ക ഈ കുട്ടികളോട് സംസാരിക്കുന്നില്ല, അവരെ ചേര്‍ത്തുപിടിക്കുന്നില്ല, തലോടുന്നുമില്ല. പക്ഷേ, പരസ്പരം കണ്ണുകളില്‍ നോക്കുന്ന ആ നിമിഷത്തില്‍ എന്തോ ഒരു ഹൃദയസംവാദം നടക്കുന്നുണ്ട്. വാക്കുകളില്ലാതെ, സ്പര്‍ശമില്ലാതെ, പരസ്പരം അറിയുകയും അറിയപ്പെടുകയും ചെയ്യുന്ന ഒരു സ്‌നേഹനിമിഷം. കുട്ടികളുടെ കണ്ണുകളിലെ കൗതുകവും പ്രിയങ്കയുടെ മുഖത്തെ ആര്‍ദ്രതയും ചേര്‍ന്ന് ഈ ചിത്രത്തിന് അസാധാരണമായൊരു ഹൃദ്യത നല്‍കുന്നു'- കുറിപ്പില്‍ പറയുന്നു.

ബി ഇക്ബാലിന്റെ കുറിപ്പ്

വാക്കുകളില്ലാത്തൊരു ഹൃദയസംവാദം. ഒരു നോട്ടത്തില്‍ ഹൃദയങ്ങള്‍ തമ്മില്‍...

ചില ചിത്രങ്ങള്‍ ആയിരം വാക്കുകളേക്കാള്‍ കൂടുതല്‍ ഹൃദയത്തോട് സംസാരിക്കും. ഈ ചിത്രവും അത്തരത്തിലൊന്നാണ്.

പ്രിയങ്ക ഗാന്ധി പെരുവയല്‍ രാമനോടൊപ്പം വയലിലൂടെ നടന്നുപോകുന്ന ചിത്രം, മഴയില്‍ സഹോദരന്‍ രാഹുലിനൊപ്പം നില്‍ക്കുന്ന പ്രിയങ്കയുടെ ചിത്രം...നേരത്തേ പങ്കുവെച്ച ഈ ചിത്രങ്ങളുടെ തുടര്‍ച്ചയായി ഇപ്പോള്‍ ഇതാ വയനാട്ടില്‍ നിന്നുള്ള മറ്റൊരു ചിത്രം.

പ്രിയങ്ക ഈ കുട്ടികളോട് സംസാരിക്കുന്നില്ല, അവരെ ചേര്‍ത്തുപിടിക്കുന്നില്ല, തലോടുന്നുമില്ല. പക്ഷേ, പരസ്പരം കണ്ണുകളില്‍ നോക്കുന്ന ആ നിമിഷത്തില്‍ എന്തോ ഒരു ഹൃദയസംവാദം നടക്കുന്നുണ്ട്. വാക്കുകളില്ലാതെ, സ്പര്‍ശമില്ലാതെ, പരസ്പരം അറിയുകയും അറിയപ്പെടുകയും ചെയ്യുന്ന ഒരു സ്‌നേഹനിമിഷം. കുട്ടികളുടെ കണ്ണുകളിലെ കൗതുകവും പ്രിയങ്കയുടെ മുഖത്തെ ആര്‍ദ്രതയും ചേര്‍ന്ന് ഈ ചിത്രത്തിന് അസാധാരണമായൊരു ഹൃദ്യത നല്‍കുന്നു.

ഇതിനെ ഒരു പി.ആര്‍. സ്റ്റണ്ടെന്നോ ആസൂത്രിതമായ ഫോട്ടോ ഷൂട്ടെന്നോ വിശേഷിപ്പിക്കാന്‍ കഴിയില്ല. രാഷ്ട്രീയത്തിനും പ്രചാരണത്തിനും അപ്പുറം, മനുഷ്യര്‍ തമ്മിലുള്ള നിഷ്‌കളങ്കമായ അടുപ്പത്തിന്റെ ഒരു നിമിഷമാണ് ഈ ചിത്രത്തില്‍ കാണാനാകുന്നത്. ചിലപ്പോള്‍ ഒരു നോട്ടം മതി, ഒരു ഹൃദയത്തില്‍ നിന്ന് മറ്റൊരു ഹൃദയത്തിലേക്ക് എത്താന്‍

Priyanka Gandhi’s photo with children not a PR stunt or photoshoot: Dr. B. Ekbal"

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഡ്രൈ ഡേ വ്യാവസായിക ടൂറിസത്തിന് കുരുക്കാകും'; മദ്യ നയത്തിന് മുന്നോടിയായി ആശങ്ക പങ്കിട്ട് മന്ത്രി

'തുടയ്ക്ക് അടിച്ചല്ലേ ദുര്യോധനനെ കൊല്ലുന്നത്, ഇത് തുടയിൽ കാർ‍ കയറ്റുന്നു; മഹാഭാരതത്തിലെ കഥാപാത്രങ്ങളാണ് 'ഭീഷ്മ പർവ'ത്തിലെ എല്ലാം'

ശിവസൂര്യയെ കാണാതായി 100 ദിവസം; ആക്ഷൻ കമ്മിറ്റിയുടെ നേതൃത്വത്തിൽ ഇന്ന് പ്രതിഷേധ മാർച്ചും ധർണ്ണയും

ഒരുകിലോമീറ്റര്‍ ദൈര്‍ഘ്യം, മണിക്കൂറില്‍ 6,000 വാഹനങ്ങള്‍ക്ക് കടന്നുപോകാം; അല്‍ ദെയ്ദില്‍ പുതിയ പാലം തുറന്നു

'സ്വപ്നം കാണുന്നെങ്കിൽ കൽപന കണ്ടതുപോലെ കാണണം'; ദുൽഖറിന്റെ ‘എഒടി’ ട്രെയിലർ പുറത്തിറങ്ങി