മലപ്പുറം; വിവാഹം കഴിഞ്ഞ് മടങ്ങിയ സൈനികൻ കശ്മീരിൽ മരിച്ചു. മലപ്പുറം കീഴുപറമ്പ് കുനിയിൽ കോലോത്തുംതൊടി നുഫൈൽ (27)ആണു മരിച്ചത്. ആർമി പോസ്റ്റൽ സർവീസിലെ ശിപായിയായി ജോലി ചെയ്യുകയായിരുന്നു. ദേഹാസ്വാസ്ഥ്യത്തെത്തുടർന്നു മരിച്ചതായാണു ബന്ധുക്കൾക്കു വിവരം ലഭിച്ചത്. 

ഡിസംബറിൽ നുഫൈൽ നാട്ടിലെത്തിയിരുന്നു. ഈ മാസം രണ്ടിനാണ് മുക്കം കുളങ്ങര സ്വദേശിനിയുമായി നൈഫലിന്റെ വിവാഹം കഴിഞ്ഞത്. 22 നാണ് ലഡാക്കിലേക്ക് മടങ്ങിയത്. വ്യാഴം രാവിലെ 10.30നു  പ്രതിശ്രുത വധുവിനെ വിളിച്ചിരുന്നു. തുടർന്ന് രാത്രി ഒൻപതരയോടെയാണു മരിച്ചതായി വിവരം ലഭിച്ചത്. കോയമ്പത്തൂരിലേക്കു സ്ഥലം മാറ്റം പ്രതീക്ഷിച്ചിരിക്കെയാണ്  വിയോഗം. 

8 വർഷമായി സൈന്യത്തിൽ സേവനമനുഷ്ഠിക്കുന്ന നുഫൈൽ രണ്ടു വർഷമായി കശ്മീരിലാണ്. അസം, മേഘാലയ എന്നിവിടങ്ങളിലും സേവനമനുഷ്ഠിച്ചിരുന്നു. മൃതദേഹം നാട്ടിലെത്തിക്കും.

ഈ വാര്‍ത്ത കൂടി വായിക്കൂ 

ത്രിപുരയില്‍ സിപിഎം എംഎല്‍എ ബിജെപിയില്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ