ചാവക്കാട്: തിരുവത്ര പുത്തന്‍കടപ്പുറത്ത് തിരകള്‍ക്കൊപ്പം മത്തിക്കൂട്ടം കരയ്ക്കടിഞ്ഞു. ഞായറാഴ്ച ഉച്ചയ്ക്ക് 12.30ഓടെയാണ് പുത്തന്‍കടപ്പുറം ഫിഷ് ലാന്‍ഡിങ് സെന്ററിനോടു ചേര്‍ന്ന് 200 മീറ്ററോളം തീരത്ത് മത്തിക്കൂട്ടം തിരകള്‍ക്കൊപ്പം കരയ്ക്കടിഞ്ഞത്. അര മണിക്കൂറിലേറെ ഈ പ്രതിഭാസം നീണ്ടുനിന്നു. 

വിവരമറിഞ്ഞ് പിടയ്ക്കുന്ന മത്തി വാരിയെടുക്കാന്‍ നാട്ടുകാരും കടപ്പുറത്തെത്തി.  മത്തികൂട്ടം കരയ്ക്കടിയുന്ന വിവരമറിഞ്ഞ് ചെറുവഞ്ചിക്കാരും ഇവിടെയെത്തി തീരത്തോടു ചേര്‍ന്ന് വലവിരിച്ച് മീന്‍പിടിച്ചു. ഒരു മാസം മുന്‍പ് കടപ്പുറം പഞ്ചായത്തിലെ അഴിമുഖത്തും വാടാനപള്ളിയിലും സമാനമായ രീതിയില്‍ മത്തികൂട്ടം കരയ്ക്കടിഞ്ഞിരുന്നു.

ഈ വാര്‍ത്ത കൂടി വായിക്കൂ കരടി ചാടിവീണു, കാലുകൾക്കിടയിലാക്കി ആക്രമിച്ചു; മൂന്ന് പേർക്ക് പരിക്ക്, തീവ്രപരിചരണവിഭാഗത്തിൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ