കൊല്ലം: കുളത്തൂപ്പുഴയിൽ പത്താം ക്ലാസ് വിദ്യാർത്ഥിനിയെ ലൈംഗിക പീഡനത്തിനിരയാക്കി ദൃശ്യങ്ങൾ ഇൻസ്റ്റഗ്രാം വഴി വിറ്റ ദമ്പതികൾക്കെതിരെ എസ് സി-എസ് ടി വകുപ്പ് ചുമത്തി. പ്രതികളായ വിഷ്ണു, ഭാര്യ സ്വീറ്റി എന്നിവർക്കെതിരെയാണ് നടപടി. 15കാരിയായ പെൺകുട്ടിയോട് അടുപ്പം സ്ഥാപിച്ചാണ് വിഷ്ണു പീഡനത്തിനിരയാക്കിയത്. സ്വീറ്റിയാണ് ദൃശ്യങ്ങൾ പകർത്തിയത്. 

വിഷ്ണു പെൺകുട്ടിയെ വീട്ടിലെത്തിച്ച് ലൈം​ഗികമായി പീഡിപ്പിച്ചു. സ്വീറ്റി മൊബൈൽ ഫോണിൽ രം​ഗങ്ങൾ ഷൂട്ട് ചെയ്ത് പിന്നീട് ഇൻസ്റ്റ​ഗ്രാം അക്കൗണ്ടിലൂടെ വിറ്റു. ദൃശ്യങ്ങൾ വിറ്റതിലൂടെ പതിനായിരം രൂപ ലഭിച്ചെന്ന് വിഷ്ണു പൊലീസിന് മൊഴി നൽകി. 

കേസന്വേഷണം പുനലൂർ ഡിവൈഎസ്പിക്ക് കൈമാറി. ഇൻസ്റ്റഗ്രാം അക്കൗണ്ടിലൂടെ ദൃശ്യങ്ങളും ചിത്രങ്ങളും പണം കൊടുത്ത് വാങ്ങിയവരിലേക്കും അന്വേഷണം വ്യാപിപ്പിക്കും. ഇതിനായി സൈബർ പൊലീസിന്റെ സഹായം തേടും. 

ഈ വാര്‍ത്ത കൂടി വായിക്കൂ 

അരയില്‍ കെട്ടിവച്ച് ഒരുകോടി പതിമൂന്ന് ലക്ഷം രൂപ;  മലപ്പുറത്തേക്ക് കടത്തുകയായിരുന്ന കുഴല്‍പ്പണം പിടികൂടി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ