കോഴിക്കോട്: പ്രസവ ശസ്ത്രക്രിയക്കിടെ യുവതിയുടെ വയറ്റിൽ കത്രിക കുടുങ്ങിയ സംഭവത്തിൽ അന്വേഷണത്തിന് ഉത്തരവിട്ട് ആരോഗ്യ വകുപ്പ്. കോഴിക്കോട് അടിവാരം സ്വദേശി ഹർഷിന (30) ആണ് വയറ്റിൽ കുടുങ്ങിയ കത്രികയുമായി അഞ്ചു വർഷം വേദന സഹിച്ചത്. കത്രിക കുത്തിനിന്ന് മൂത്ര സഞ്ചിയില്‍ മുഴ ഉണ്ടായതോടെ സിടി സ്കാൻ ചെയ്തപ്പോഴാണ് സംഭവമറിഞ്ഞത്. 

2017 നവംബര്‍ 30നാണ് മെഡിക്കൽ കോളജ് ആശുപത്രിയില്‍ ഹര്‍ഷിനയ്ക്ക് പ്രസവ ശസ്ത്രക്രിയ നടത്തിയത്. ഇതിനുപിന്നാലെ വേദന ഒഴിഞ്ഞ സമയം ഉണ്ടായിട്ടില്ലെന്നും വേദന മാറാന്‍ പല ആശുപത്രിയിലും ചികിത്സ ചെയ്തെങ്കിലും ഫലം കണ്ടില്ലെന്നും ഇവർ പറയുന്നു. പിന്നീട് സ്വകാര്യ ആശുപത്രിയിലെ സിടി സ്കാനിംഗിലാണ് മൂത്രസഞ്ചിയിലെ കത്രിക കണ്ടെത്തിയത്. 12 സെന്‍റിമീറ്റര്‍ നീളവും 6 സെന്‍റിമീറ്റര്‍ വീതിയുമുള്ള കത്രികയാണ് യുവതിയുടെ വയറ്റിൽ കുടുങ്ങിയത്. മെഡിക്കൽ കോളജിൽ വെച്ച് തന്നെ വീണ്ടും ശസ്ത്രക്രിയ നടത്തി കത്രിക പുറത്തെടുത്തു. ഇത്രകാലം അനുഭവിച്ച കൊടുവേദനയ്ക്ക് നഷ്ടപരിഹാരം വേണമെന്നാണ് യുവതിയുടെ ആവശ്യം. 

ഈ വാര്‍ത്ത കൂടി വായിക്കൂ 

പർദയിട്ട് ബസ്സ് സ്റ്റാൻഡിൽ കറങ്ങി പൂജാരി, ചിക്കൻ പോക്സ് ആണെന്ന് വാദം; പൊലീസ് പിടികൂടി

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ