തിരുവനന്തപുരം: മുതിര്ന്ന മാധ്യമപ്രവര്ത്തകനും തിരുവനന്തപുരം പ്രസ്ക്ലബ് മുന് സെക്രട്ടറിയുമായിരുന്ന ജി ശേഖരന് നായര് നിര്യാതനായി.75 വയസ്സായിരുന്നു. ഹൃദയാഘാതത്തെ തുടര്ന്നായിരുന്നു അന്ത്യം. മാതൃഭൂമി ദിനപ്പത്രത്തിന്റെ തിരുവനന്തപുരം ബ്യൂറോ ചീഫ് ആയിരുന്നു.
മൂന്നുതവണ സംസ്ഥാന സര്ക്കാരിന്റെ മാധ്യമ അവാര്ഡ് ഉള്പ്പെടെ പത്രപ്രവര്ത്തനരംഗത്തെ മികവിന് 35 ഓളം പുരസ്കാരങ്ങളും നേടി.
യുഎസ്, റഷ്യ, ബ്രിട്ടന്, ഫ്രാന്സ്, ചൈന, ജര്മനി തുടങ്ങി 30-ഓളം രാജ്യങ്ങള് സന്ദര്ശിച്ചിട്ടുണ്ട്. 2008 ജൂണില് ബെല്ഗ്രേഡില് നടന്ന ഇന്റര്നാഷണല് പ്രസ് ഇന്സ്റ്റിറ്റ്യൂട്ടിന്റെ അമ്പത്തിയേഴാമത് ജനറല് അസംബ്ലിയില് മാതൃഭൂമിയെ പ്രതിനിധീകരിച്ചു.
1999-ല് കൊളംബോയില് നടന്ന സാര്ക്ക് ഉച്ചകോടി റിപ്പോര്ട്ട് ചെയ്യാന് അന്നത്തെ പ്രധാനമന്ത്രി എബി വാജ്പേയിയോടൊപ്പം പോയ മാധ്യമസംഘത്തില് അംഗമായിരുന്നു. രണ്ടുതവണ ശ്രീലങ്ക സന്ദര്ശിച്ച് ആഭ്യന്തരയുദ്ധം റിപ്പോര്ട്ട് ചെയ്തു. 1993 മെയില് ശ്രീലങ്കന് പ്രധാനമന്ത്രി പ്രേമദാസയുടെ വധവും 1995-ല് ജാഫ്ന പട്ടണം തമിഴ്പുലികളില്നിന്ന് ശ്രീലങ്കന് സൈന്യം പിടിച്ചെടുത്തതും റിപ്പോര്ട്ട് ചെയ്തു.
ഈ വാര്ത്ത കൂടി വായിക്കൂ 'എംഎല്എയ്ക്ക് എന്ത് അധികാരം എന്നു ചോദിച്ചു, വിളിച്ചാല് ഫോണ് എടുക്കുന്നില്ല'; കൂട്ട അവധിയില് എഡിഎമ്മിനെതിരെ കെയു ജനീഷ് കുമാര്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates