കൊല്ലം: സാമൂഹിക മാധ്യമത്തിലൂടെ പരിചയപ്പെട്ട യുവതിയെ വിവാഹ വാഗ്ദാനം നൽകി ഗോവയിലേക്കു ക്ഷണിച്ചു വരുത്തി ലൈംഗികമായി പീഡിപ്പിച്ച കേസിൽ യുവാവ് പിടിയിൽ. ഗോവയിൽ  ക്രൂസ് കപ്പലിൽ ജീവനക്കാരനായ വയനാട് മാനന്തവാടി കല്ലുംമുട്ടംകുന്നു പെരുമ്പിൽ വീട്ടിൽ ജിതിൻ ജോൺ (28) ആണ്  എഴുകോൺ പൊലീസിന്റെ പിടിയിലായത്. പീഡന ദൃശ്യങ്ങൾ യുവതിയുടെ സുഹൃത്തുക്കൾക്ക് അടക്കം ജിതിൻ അയച്ചു കൊടുത്തതായും പൊലീസ് പറയുന്നു.

ഇയാളെ ഗോവയിലെത്തി പിടികൂടുകയായിരുന്നു. കഴിഞ്ഞ വർഷം ഓഗസ്റ്റിലാണ് യുവതിയെ ഇയാൾ ഗോവയിലേക്കു വിളിച്ചുവരുത്തിയത്. ഒരു മാസത്തിലേറെ ഒപ്പം താമസിപ്പിക്കുകയും ക്രൂരമായ ലൈംഗിക പീഡനത്തിനു വിധേയയാക്കുകയും ചെയ്തെന്നാണ് യുവതിയുടെ പരാതി.     പ്രതിയെ ഗോവയിലെ പനജിയിൽ നിന്നാണ് അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.

ഈ വാർത്ത കൂടി വായിക്കൂ 

ഇനി ആവേശ നാളുകൾ; തൃശൂർ പൂരത്തിന് ഇന്ന് കൊടിയേറും

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ