തൃശൂര്: ട്രെയിനില് യാത്രക്കാരിക്ക് നേരെ ലൈംഗികാതിക്രമം നടത്തിയ സംഭവത്തില് ടിടിഇ അറസ്റ്റില്. കൊല്ലം കടയ്ക്കല് സ്വദേശി ഷിജുവാണ് അറസ്റ്റിലായത്. ഷൊര്ണൂര് റെയില്വേ പൊലീസാണ് പ്രതിയെ അറസ്റ്റ് ചെയ്തത്.
തൃശൂരിനും വള്ളത്തോള് നഗറിനും ഇടയില് വച്ച് യുവതിയുടെ സ്വകാര്യഭാഗത്ത് കടന്നുപിടിച്ചതായാണ് പരാതി. തിരുവനന്തപുരം ഡിവിഷനിലെ ഇയാള് അമിതമായ മദ്യലഹരിയില് ആയിരുന്നു എന്ന് പൊലീസ് പറഞ്ഞു. യുവതിയും ഭര്ത്താവും ട്രെയിനില് സഞ്ചരിക്കുകയായിരുന്നു. റിസര്വേഷന് കോച്ചിലാണ് സംഭവം. ഇരുവര്ക്ക് വ്യത്യസ്ത ഇടങ്ങളിലാണ് സീറ്റുകള് ലഭിച്ചിരുന്നത്.
നിസാമുദ്ദീന് എക്സ്പ്രസില് ഇന്നലെ ഉച്ചയ്ക്ക് 3:30ഓടെയാണ് സംഭവം. സംഭവത്തിനുശേഷം യുവതി റെയില്വേ പൊലീസിനെ വിവരം അറിയിക്കുകയായിരുന്നു. ട്രെയിന് ഷൊര്ണൂരില് എത്തിയപ്പോള് പ്രതിയെ അറസ്റ്റ് ചെയ്യുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates