കണ്ണൂര്‍: കണ്ണൂര്‍ ജില്ലയിലെ ചക്കരക്കല്‍ മേഖലയില്‍ സ്ത്രീകളും കുട്ടികളും ഉള്‍പ്പെടെ മുപ്പതു പേരെ കടിച്ചു പരുക്കേല്‍പ്പിച്ച തെരുവ് നായയെ കൊന്നു. ചക്കരക്കല്‍ പൊലിസും നാട്ടുകാരും ചേര്‍ന്ന് നടത്തിയ തെരച്ചലിനിടെയാണ് ചക്കരക്കല്‍ മാമ്പ ഉച്ചുളിക്കുന്ന് ചിറക്കാത്ത് തെരുവ് നായയെ കണ്ടെത്തി ദയാവധത്തിന് ഇരയാക്കിയത്. തെരുവ് നായക്ക് പേ വിഷബാധയുണ്ടെന്ന സംശയത്തെ വിദഗ്ധ പരിശോധന നടത്താനും തീരുമാനമുണ്ട്. ഇതിനായി നായയുടെ ശ്രവങ്ങൾ കണ്ണൂര്‍ മൃഗസംരക്ഷണ ആശുപത്രിയിലെ വെറ്റിനറി ലാബില്‍ പരിശോധിക്കും.

കെ ഇ ഇസ്മയിലിനെ സിപിഐ സസ്‌പെന്‍ഡ് ചെയ്യും, ആറ് മാസത്തേക്ക് മാറ്റി നിര്‍ത്താന്‍ എക്‌സിക്യൂട്ടീവ് ശുപാര്‍ശ

ചക്കരക്കല്‍ സോന റോഡ്, ഇരിവേരി, മുഴപ്പാല, കുളം ബസാര്‍, പൊതുവാച്ചേരി, ഭാഗങ്ങളിലായി മുപ്പതു പേര്‍ക്കാണ് വ്യാഴാഴ്ച്ച രാവിലെ വിവിധയിടങ്ങളില്‍ നിന്നായി നായയുടെ കടിയേറ്റത്. പിഞ്ചുകുഞ്ഞിനെയടക്കം നായ കടിച്ചു പരുക്കേല്‍പ്പിച്ചു. പലര്‍ക്കും മുഖത്ത് അടക്കം കടിയേറ്റു. പരുക്കേറ്റവര്‍ കണ്ണൂര്‍ ജില്ലാ ആശുപത്രിയില്‍ ചികിത്സ തേടി. ഒരേ നായ തന്നെയാണ് പലരെയും കടിച്ചു പരുക്കേല്‍പ്പിച്ചത്. പരുക്കേറ്റവര്‍ കണ്ണൂര്‍ ജില്ലാ ആശുപത്രിയില്‍ ചികിത്സ തേടിയിട്ടുണ്ട്.