കണ്ണൂര്‍: പാനൂര്‍ ചെണ്ടയാട് മാവിലേരിയില്‍ വിദ്യാര്‍ത്ഥിനിയെ തെരുവുനായക്കൂട്ടം ആക്രമിച്ചു. സ്‌കൂള്‍ വിട്ട് വീട്ടിലേക്ക് പോകുന്നതിനിടെയാണ് നായ്ക്കൂട്ടം പിന്നാലെ എത്തിയത്.

മാവിലേരി തവക്കല്‍ ഹൗസില്‍ നാസറിന്റെ മകള്‍ ആയിഷ ഫര്‍ഹയാണ് തെരുവുനായ ആക്രമണത്തില്‍ നിന്നും അത്ഭുതകരമായി രക്ഷപ്പെട്ടത്. കുട്ടി അണിഞ്ഞിരുന്ന യൂണിഫോം വസ്ത്രങ്ങള്‍ നായ്ക്കൂട്ടം കടിച്ചു കീറി. സംഭവത്തിന്റെ ഞെട്ടിക്കുന്ന സിസിടിവി ദൃശ്യങ്ങള്‍ പുറത്തുവന്നു.