1975 ലെ അടിയന്തരാവസ്ഥയെ വിമർശിച്ചുകൊണ്ടുള്ള തന്റെ വിവാദ ലേഖനത്തെ ന്യായീകരിച്ച് കോൺഗ്രസ് എംപിയും വർക്കിങ് കമ്മിറ്റിയംഗവുമായ ശശി തരൂർ. ഗാന്ധി കുടുംബത്തിനെതിരെ താൻ ഒന്നും പറഞ്ഞിട്ടില്ലെന്നും അദ്ദേഹം അഭിപ്രായപ്പെട്ടു.

"ഞാൻ ഇപ്പോൾ എഴുതിയത് 1997-ൽ എഴുതിയതിന് സമാനമാണ്, ഗാന്ധി കുടുംബത്തിനെതിരെ ഒന്നും പറഞ്ഞിട്ടില്ല. ആ സമയത്ത് (അടിയന്തരാവസ്ഥ) നടന്ന ചില സംഭവങ്ങളെയും വ്യക്തികളെയും കുറിച്ച് മാത്രമേ ഞാൻ പരാമർശിച്ചിട്ടുള്ളൂ," ടിഡിഎം ഹാളിൽ കൗൺസിൽ ഫോർ കമ്മ്യൂണിറ്റി സംഘടിപ്പിച്ച ചടങ്ങിൽ പങ്കെടുക്കാനെത്തിയ മുതിർന്ന കോൺഗ്രസ് നേതാവ് മാധ്യമപ്രവർത്തകരോട് പറഞ്ഞു.

അടുത്തിടെ തരൂർ എഴുതിയ ലേഖനത്തിൽ, 21 മാസത്തെ അടിയന്തരാവസ്ഥയെ (1975–77) ഇന്ത്യയുടെ ജനാധിപത്യ ചരിത്രത്തിലെ "ഇരുണ്ട കാലഘട്ടം" എന്ന് തരൂർ വിശേഷിപ്പിക്കുകയും മുൻ പ്രധാനമന്ത്രി ഇന്ദിരാഗാന്ധിയുടെ സ്വേച്ഛാധിപത്യം അതിരുകടന്നു. നിർബന്ധിത വന്ധ്യംകരണം, ഗ്രാമപ്രദേശങ്ങളിൽ അക്രമം തുടങ്ങിയ "ഭയാനകമായ അതിക്രമങ്ങൾക്ക്" ഇന്ദിരാഗാന്ധിയുടെ മകൻ സഞ്ജയ് ഗാന്ധിയെ അദ്ദേഹം കൂടുതൽ വിമർശിച്ചു. "സമത്വം, സ്വാതന്ത്ര്യം, സാഹോദര്യം എന്നിവ സംബന്ധിച്ച അടിസ്ഥാന ഉറപ്പുകളെ ഈ കാലഘട്ടം കഠിനമായി പരീക്ഷിച്ചു" എന്നും ഇന്ത്യൻ രാഷ്ട്രീയത്തിൽ ഒരു ശാശ്വത മുറിവ് അവശേഷിപ്പിച്ചുവെന്നും തരൂർ എഴുതി.

ഓപ്പറേഷൻ സിന്ദൂറിന്റെ പേരിൽ നരേന്ദ്ര മോദി സർക്കാരിനെ പ്രശംസിച്ചതിനെ തരൂർ ന്യായീകരിച്ചു, രാഷ്ട്രീയ പാർട്ടിയെക്കാൾ ദേശീയ സുരക്ഷയ്ക്ക് മുൻഗണന നൽകണമെന്ന് അദ്ദേഹം പറഞ്ഞു.

"ഞങ്ങളുടെ പാർട്ടികളെ ബഹുമാനിക്കുന്നുവെന്ന് എന്നെപ്പോലുള്ള ആളുകൾ പറയുമ്പോൾ, ഞങ്ങൾക്ക് ചില മൂല്യങ്ങളും ബോധ്യങ്ങളുമുണ്ട്, അത് ഞങ്ങളെ പാർട്ടികളിൽ നിലനിർത്തുന്നു, പക്ഷേ ദേശീയ സുരക്ഷയുടെ താൽപ്പര്യാർത്ഥം മറ്റ് പാർട്ടികളുമായി സഹകരിക്കേണ്ടതുണ്ട്," ചോദ്യത്തിന് മറുപടിയായി തരൂർ പറഞ്ഞു.

"ചിലപ്പോൾ പാർട്ടികൾ കരുതും അവരോട് കൂറ് കാണിക്കുന്നില്ലെന്ന്. എന്റെ അഭിപ്രായത്തിൽ, രാഷ്ട്രമാണ് ആദ്യം വരുന്നത്. രാഷ്ട്രത്തെ മെച്ചപ്പെടുത്താനുള്ള ഒരു മാർഗമാണ് പാർട്ടികൾ. അതിനാൽ എന്റെ അഭിപ്രായത്തിൽ, നിങ്ങൾ ഏത് പാർട്ടിയിൽ അംഗമായാലും, ആ പാർട്ടിയുടെ ലക്ഷ്യം അതിന്റേതായ രീതിയിൽ മെച്ചപ്പെട്ട ഒരു ഇന്ത്യയെ സൃഷ്ടിക്കുക എന്നതാണ്".

എന്നാൽ,, ഒരു "രാഷ്ട്രീയ ഗൂഢാലോചനയിലും" ഏർപ്പെടാൻ താൻ ആഗ്രഹിക്കുന്നില്ലെന്ന് കോൺഗ്രസ് എംപി വ്യക്തമാക്കി.

, ഒരു "രാഷ്ട്രീയ ഗൂഢാലോചനയിലും" ഏർപ്പെടാൻ താൻ ആഗ്രഹിക്കുന്നില്ലെന്ന് കോൺഗ്രസ് എംപി വ്യക്തമാക്കി. " രാഷ്ട്രീയം ചർച്ച ചെയ്യാനല്ല ഞാൻ ഇവിടെ വന്നിരിക്കുന്നത്... ഇന്നത്തെ പ്രസംഗം സാമുദായിക ഐക്യത്തെക്കുറിച്ചായിരുന്നു... എന്റെ രാഷ്ട്രീയ ജീവിതത്തിലെ വർഷങ്ങളിലുടനീളം എല്ലാവരെയും ഉൾക്കൊള്ളുന്ന വികസനമാണ് എന്റെ ആശയം. ഉൾക്കൊള്ളൽ, വികസനം, ദേശീയ സുരക്ഷ, ദേശീയ താൽപ്പര്യം എന്നിവയിൽ ഞാൻ വിശ്വസിക്കുന്നു. ഇവ ക്ലീഷേകളായിരിക്കാം, പക്ഷേ ഞാൻ അതിൽ വിശ്വസിക്കുകയും അതിന് വേണ്ടി ജീവിക്കുകയും ചെയ്യുന്നു. ഒരു രാഷ്ട്രീയ ഗൂഢാലോചനയിലും ഞാനില്ല," അദ്ദേഹം പറഞ്ഞു.

തിരുവനന്തപുരം എംപി എറണാകളും നഗരത്തിലുണ്ടായിരുന്നിട്ടും ശനിയാഴ്ച നടന്ന പരിപാടികളിലൊന്നും തരൂരിനെ കോൺഗ്രസ് ജില്ലാ നേതൃത്വം ക്ഷണിച്ചില്ല.