കൊല്ലം: കുണ്ടറ വെള്ളിമണ്ണില്‍ അഷ്ടമുടിക്കായലില്‍ ചാടിയ യുവതിയുടെ മകന്റെ മൃതദേഹവും കണ്ടെത്തി. വെള്ളിമണ്‍ തോട്ടുംകര സ്വദേശി യശോധരന്‍ പിള്ളയുടെ മകള്‍ രാഖിയാണ് മൂന്നു വയസ്സുള്ള മകന്‍ ആദിയുമായി അഷ്ടമുടിക്കായലില്‍ ചാടിയത്. 23കാരിയായ രാഖിയുടെ മൃതദേഹം നേരത്തെ കണ്ടെത്തിയിരുന്നു. 

ഇന്നലെ രാത്രി മുതല്‍ ഇരുവരെയും കാണാനില്ലായിരുന്നു. തുടര്‍ന്ന് കുണ്ടറ പൊലീസ് കേസെടുത്തു. ഇന്ന് രാവിലെ അഷ്ടമുടിക്കായലില്‍ രാഖിയുടെ മൃതദേഹം കണ്ടെത്തി. 

ഭര്‍ത്താവ് ഷിജുവുമായുള്ള ദാമ്പത്യ പ്രശ്നം ആത്മഹത്യയിലേക്ക് വഴിവച്ചുവെന്നാണ് പൊലീസിന്റെ പ്രാഥമിക നിഗമനം. സ്വകാര്യ ബസില്‍ കണ്ടക്ടറായ ഷിജു സ്ഥിരം മദ്യപിച്ച് വീട്ടില്‍ ബഹളമുണ്ടാക്കാറുണ്ടായിരുന്നുവെന്ന് യുവതിയുടെ ബന്ധുക്കള്‍ ആരോപിക്കുന്നു.