കാസര്ഗോഡ്: പ്രവാസിയുടെ വീട്ടിൽ നിന്ന് സ്വർണാഭരണങ്ങളും പണവും കവർന്നതായി പരാതി. കുമ്പള സ്വദേശിയായ ഉജാര് കൊടിയമ്മയിലെ അബൂബക്കറിന്റെ വീട്ടിലാണ് മോഷണം നടന്നത്. കിടപ്പുമുറിയില് സൂക്ഷിച്ചിരുന്ന 10 പവന് സ്വര്ണവും കാല്ലക്ഷം രൂപയും കവര്ന്നു. ശേഷം വീട്ടുമുറ്റത്ത് നിര്ത്തിയിട്ടിരുന്ന സ്വിഫ്റ്റ് കാറുമായാണ് കള്ളന്മാർ കടന്നത്.
ചൊവ്വാഴ്ച രാത്രിയാണ് വീട്ടിൽ കള്ളന്മാർ കയറിയത്. അബൂബക്കറിന്റെ ഭാര്യയും മക്കളും മാത്രമാണ് വീട്ടില് ഉണ്ടായിരുന്നത്. രാവിലെ എഴുന്നേറ്റപ്പോള് മാത്രമാണ് ഇവര് മോഷണ വിവരം അറിയുന്നത്. വീടിന്റെ വാതിലോ മറ്റോ തകര്ത്തതായി കണ്ടെത്തിയിട്ടില്ല.
മോഷ്ടാക്കള് നേരത്തെ തന്നെ വീട്ടിനകത്ത് കയറി ഒളിച്ചിരുന്ന് കൃത്യം നടത്തിയതായാണ് സംശയിക്കുന്നത്. കുമ്പള പൊലീസും വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി പരിശോധന നടത്തി. സമീപത്തെ സിസിടിവികള് ദൃശ്യങ്ങള് അടക്കം പൊലീസ് പരിശോധിക്കുന്നുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates