തിരുവനന്തപുരം: നെയ്യാറ്റിൻക്കരയിൽ  വീട്ടില്‍ പാര്‍ക്ക് ചെയ്തിരുന്ന ബൈക്ക് തീയിട്ടു നശിപ്പിച്ചതായി പരാതി. നെയ്യാറ്റിൻക്കര ഉച്ചക്കട സ്വദേശി ഷൈജുവിന്റെ ബൈക്കാണ് തീയിട്ടു നശിപ്പിച്ചത്. ബന്ധുക്കൾക്കിടയിലെ തർക്കമാണ് ബൈക്ക് കത്തിക്കലിൽ കലാശിച്ചത്. കഴിഞ്ഞ ദിവസം രാത്രി ബന്ധുവായ മുരുകേശൻ ​ഗുണ്ടകളുമായി കാറിലെത്തി വീട്ടിന്റെ മുന്നിൽ പാർക്ക് ചെയ്‌തിരുന്ന ബൈക്കിന് തീയിടുകയായിരുന്നു എന്നാണ് ഷൈജുവിന്റെ പരാതി.

സംഭവത്തിൽ പൊഴിയൂർ പൊലീസ് കേസെടുത്തു. ഷൈജുവിന്റെ ബന്ധുവിനെയാണ് മുരുകേശന്‍ വിവാഹം കഴിച്ചത്. മദ്യ ലഹരിയില്‍ ഇയാൾ ഭാര്യയെ മര്‍ദ്ദിച്ചത് ചോദ്യം ചെയ്‌തതാണ് വൈരാ​ഗ്യത്തിന് കാരണം.

ഭാര്യ സഹോദരനെയും ഷൈജുവിനെയും മുരുകേശൻ ഇതിന്റെ പേരിൽ നേരത്തെ മർദ്ദിച്ചിരുന്നു. ഇതിൽ പൊലീസിൽ കേസു നൽകിയിരുന്നു. ഇതിന്റെ പിന്നാലെ ഭാര്യ വിവാഹ മോചനം ആവശ്യപ്പെട്ട് കോടതിയെ സമീപിച്ചു ഇതാണ് മുരുകേശനെ വീണ്ടും പ്രകോപിപ്പിച്ചത്. 

ഈ വാര്‍ത്ത കൂടി വായിക്കൂ 

ഇന്നും മഴ കനത്തേക്കും; പത്തനംതിട്ടയിലും ഇടുക്കിയിലും ഓറഞ്ച് അലര്‍ട്ട്  

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ