കോഴിക്കോട്: പ്രായപൂര്ത്തിയാകാത്ത പെണ്കുട്ടിയുടെ മുറിയില് അതിക്രമിച്ചു കയറിയ യുവാവിനെ വീട്ടുകാര് പൂട്ടിയിട്ടു. താമരശ്ശേരി ഈങ്ങാപ്പുഴയില് ബുധനാഴ്ച പുലര്ച്ചെ രണ്ട് മണിയോടെയാണ് സംഭവം. യുവാവ് ഫോണ് ചെയ്ത് വിളിച്ചുവരുത്തിയ സുഹൃത്തുക്കള് മര്ദിച്ചതായും പൊലീസിനു നല്കിയ പരാതിയുണ്ട്. മൂന്നുപേരെ പൊലീസ് പിടികൂടി.
മുറിയില് പൂട്ടിയിട്ടതിനു പിന്നാലെ യുവാവ് ഫോണ് വിളിച്ചതു പ്രകാരം മൂന്നു ബൈക്കുകളിലായി സുഹൃത്തുക്കള് എത്തി. പിന്നാലെ ഇവര് വീട്ടിനുള്ളില് കയറി അതിക്രമം കാണിക്കുകയും വീട്ടുകാരെ ആക്രമിക്കുകയും യുവാവിനെ ബലമായി കൊണ്ടുപോകുകയും ചെയ്തു. വീട്ടുകാരുടെ പരാതിയില് ഏഴുപേര്ക്കെതിരെയാണ് കേസ്. സ്ത്രീകള്ക്കു നേരെയുള്ള അതിക്രമം, മര്ദനം, വീട്ടില് അതിക്രമിച്ചു കയറല് ഉള്പ്പെടെയുള്ള കുറ്റങ്ങള് ചുമത്തിയാണ് കേസ് രജിസ്റ്റര് ചെയ്തത്.
പെണ്കുട്ടിയുടെ മുറിയില് കയറിയ യുവാവിനെതിരെ പോക്സോ വകുപ്പു പ്രകാരം കേസെടുത്തിട്ടുണ്ട്. അടിവാരം പള്ളിയാല സ്വദേശി 19കാരന് മിസ്ബാഹുലിനെതിരെയാണ് പോക്സോ ചുമത്തിയത്. ഇയാളുടെ സുഹൃത്തുക്കളായ മറ്റ് രണ്ടുപേരുമാണ് പൊലീസിന്റെ പിടിയിലായത്. മറ്റുള്ളവര്ക്കായി തിരച്ചില് തുടരുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates