കണ്ണൂര്‍: തന്റെ ജന്മദിനാഘോഷത്തിനായി കരുതിയ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി മാതൃകയായി മൂന്ന് വയസുകാരന്‍. അണ്ടല്ലൂര്‍ സ്വദേശി നിതിന്റെയും ദീപ്തിയുടെയും ഏക മകനായ നൈതിക് നിതിന്‍ ആണ് തന്റെ ജന്മദിനാഘോഷത്തിനായി കരുതിയ തുക കണ്ണൂര്‍ ജില്ലാ കലക്ടര്‍ അരുണ്‍ കെ വിജയന് കൈമാറിയത്.

നിതിന്‍ മേലൂര്‍ യൂ പി സ്‌കൂളിലെ അധ്യാപകനും ദീപ്തി സ്വകാര്യ ബാങ്കിലെ ജീവനക്കാരിയും ആണ്. അച്ഛന്റെയും അമ്മയുടെയും ഒപ്പം ചേമ്പറില്‍ എത്തിയ നൈതികിന് ജില്ലാ കലക്ടര്‍ സമ്മാനമായി മിഠായികളും നല്‍കി

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

നൈതിക്കിന്റെ കഴിഞ്ഞ രണ്ട് ജനമദിനാഘോഷത്തിന്റെ ഭാഗമായി ഒരു നിശ്ചിത തുക ജീവ കാരുണ്യ പ്രവര്‍ത്തനങ്ങള്‍ക്ക് ഉപയോഗിച്ചിരുന്നു. എന്നാല്‍ ഇത്തവണ പൂര്‍ണ്ണമായും ആഘോഷങ്ങള്‍ ഒഴിവാക്കി തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറുകയായിരുന്നു.