തൃശൂർ: തൃശൂർ പൂരത്തിന്റെ വെടിക്കെട്ട് വീണ്ടും മാറ്റി. കാലാവസ്ഥ അനുകൂലമാണെങ്കിൽ ഇന്ന് വൈകീട്ട് 6.30ന് നടത്താനായിരുന്നു തീരുമാനിച്ചിരുന്നത്. എന്നാൽ മഴ മുന്നറിയിപ്പിനെ തുടർന്നാണ് വെടിക്കെട്ട് വീണ്ടും മാറ്റിയത്. 

ഇന്നലെ വൈകിട്ട് തൃശൂരിൽ മഴ പെയ്യാതിരുന്നതോടെയാണ് ഇന്ന് വൈകീട്ട് നടത്താൻ ദേവസ്വങ്ങളുമായി കൂടിയാലോചിച്ച് ജില്ലാ ഭരണകൂടം ധാരണയായത്. എന്നാൽ കാലാവസ്ഥ അനുകൂലമല്ലെന്ന് കണ്ടതോടെയാണ് ഇന്ന് നടത്തേണ്ട എന്ന് തീരുമാനിച്ചത്.

കനത്ത മഴയെത്തുടർന്നാണ് 11 ന് പുലർച്ചെ നടക്കേണ്ട വെടിക്കെട്ട് മാറ്റിവച്ചത്. ഞായറാഴ്ച നടത്താനായിരുന്നു ആ​ദ്യം തീരുമാനിച്ചിരുന്നത്.  പൂര പ്രേമികളുടെ കണ്ണും കാതും മനസും നിറച്ച് ഈ വര്‍ഷത്തെ തൃശ്ശൂര്‍ പൂരത്തിന്‍റെ ചടങ്ങുകള്‍ മെയ് 11ന് പൂര്‍ത്തിയായിരുന്നു.

ഈ ലേഖനം കൂടി വായിക്കാം

സെല്‍ഫി എടുക്കുന്നതിനിടെ ട്രെയിന്‍ തട്ടി പുഴയില്‍ വീണു; കോഴിക്കോട് വിദ്യാര്‍ത്ഥിനി മരിച്ചു

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ