പത്തനംതിട്ട: ശബരിമല സ്വര്ണക്കൊള്ള നിയമസഭയില് ചര്ച്ച ചെയ്താല് യുഡിഎഫിന് വിഷമം ഉണ്ടാകുന്ന സ്ഥിതിയുണ്ടാകുമെന്ന് മുഖ്യമന്ത്രി പിണറായി വിജയന്. ഉണ്ണികൃഷ്ണന് പോറ്റിയെ ശബരിമലയില് കയറ്റിയത് 2004ല് കോണ്ഗ്രസ് ദേവസ്വം ബോര്ഡാണെന്നും മുഖ്യമന്ത്രി പറഞ്ഞു. അന്ന് ഇന്നത്തെ കോണ്ഗ്രസിന്റെ ഉന്നതനായ അഖിലേന്ത്യാ നേതാവായിരുന്നു ദേവസ്വം മന്ത്രി. അന്ന് മുതല് ഉണ്ണികൃഷ്ണന് പോറ്റി എല്ലാവിധ കളികളും കളിച്ചു. എല്ഡിഎഫോ നേതാക്കളോ ഉണ്ണികൃഷ്ണന് പോറ്റിയെ സംരക്ഷിക്കുന്നില്ല. ആഗോള അയ്യപ്പ സംഗമത്തിന്റെ ശോഭ കെടുത്താനാണ് ആരോപണം കൊണ്ടുവന്നതെന്നും മുഖ്യമന്ത്രി പറഞ്ഞു. .കണ്ണൂര്: പയ്യന്നൂരിലെ ഫണ്ട് വിവാദത്തില് മാധ്യമങ്ങളോട് കണക്ക് പറയേണ്ടതില്ലെന്ന് സിപിഎം കണ്ണൂര് ജില്ല സെക്രട്ടറി കെ.കെ രാഗേഷ്. സാധാരണനിലയില് പാര്ട്ടി വരവുചെലവ് കണക്കുകള് പാര്ട്ടി കമ്മിറ്റിയിലാണ് അവതരിപ്പിക്കാറുള്ളത്. ജനങ്ങള് ആവശ്യപ്പെട്ടാല് വേണമെങ്കില് കൊടുക്കും. ഏതെങ്കിലും പാര്ട്ടിയുടെ വരവുചെലവ് കണക്ക് നോട്ടീസില് പ്രസിദ്ധീകരിക്കുന്നത് കണ്ടിട്ടുണ്ടോ. മാധ്യമങ്ങള് ജനങ്ങളെയാകെ പ്രതിനിധീകരിക്കുന്നവരല്ല. വി. കുഞ്ഞികൃഷ്ണന്റെ പുസ്തക പ്രകാശന ചടങ്ങ് സിപിഎം വിരുദ്ധരുടെ ഒത്തുചേരലായിരുന്നെന്നും രാഗേഷ് ആരോപിച്ചു..കാസര്കോട്: നിയമസഭാ തെരഞ്ഞെടുപ്പില് ജമാഅത്തെ ഇസ്ലാമിയുടെ പിന്തുണ സ്വീകരിക്കുമെന്ന് വ്യക്തമാക്കി പ്രതിപക്ഷ നേതാവ് വി ഡി സതീശന്. ജമാഅത്തെ ഇസ്ലാമി അമീര് തന്നെ മതരാഷ്ട്രവാദത്തെ തള്ളിപ്പറഞ്ഞതാണ്. പിന്നെ പിന്തുണ സ്വീകരിക്കുന്നതില് തെറ്റ് എന്താണെന്നും വി ഡി സതീശന് ചോദിച്ചു.കൊച്ചി: കേരളത്തില് എയിംസ് സ്ഥാപിക്കുന്നതുമായി ബന്ധപ്പെട്ട് കേന്ദ്ര സര്ക്കാര് അടിയന്തരമായി സാധ്യതാ പഠനം നടത്തണമെന്ന് ഹൈക്കോടതി. സംസ്ഥാന സര്ക്കാര് എയിംസിനായി നിര്ദേശിച്ച സ്ഥലത്ത് സാധ്യതാപഠനം നടത്താനാണ് നിര്ദേശം. സ്ഥലം നിശ്ചിത മാനദണ്ഡങ്ങള് പാലിക്കുന്നുണ്ടോ എന്ന കാര്യത്തില് വ്യക്തത വരുത്തണമെന്നും ഹൈക്കോടതി നിര്ദേശിച്ചു..തിരുവനന്തപുരം: വഴുതക്കാടുണ്ടായ വാഹനാപകടത്തിൽ നടൻ മണിയൻപിള്ള രാജുവിനെ പൊലീസ് അറസ്റ്റ് ചെയ്തു. തിരുവനന്തപുരം മ്യൂസിയം പൊലീസാണ് അറസ്റ്റ് രേഖപ്പെടുത്തിയത്. രാവിലെ 9.30 ന് മണിയൻപിള്ള രാജു പൊലീസ് സ്റ്റേഷനിൽ ഹാജരായി. നടനെ തിരുവനന്തപുരം ജനറൽ ആശുപത്രിയിൽ എത്തിച്ച് വൈദ്യപരിശോധന നടത്തി. തനിക്ക് ആരോഗ്യപ്രശ്നങ്ങളുണ്ടെന്നും, ചിക്കൻഗുനിയ ബാധിച്ചിരിക്കുകയാണെന്നും നടൻ പറഞ്ഞു..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates