കണ്ണൂര്: സൗമ്യ വധക്കേസിൽ ജീവപര്യന്തം തടവിനു ശിക്ഷിക്കപ്പെട്ട് കണ്ണൂർ സെൻട്രൽ ജയിലിൽ കഴിഞ്ഞിരുന്ന ഗോവിന്ദച്ചാമി ജയിൽ ചാടി. ഇന്ന് രാവിലെ ഇയാളെ പാര്പ്പിച്ച സെല് പരിശോധിച്ചപ്പോഴാണ് ജയില് ചാടിയതായി മനസിലായത്. പത്താം ബ്ലോക്കിലെ സെല്ലിലാണ് ഇയാളെ പാർപ്പിച്ചിരുന്നത്. ഇയാളെക്കുറിച്ച് വിവരങ്ങൾ ലഭിച്ചാൽ 9446899506 നമ്പറിൽ അറിയിക്കണമെന്നു പൊലീസ് വ്യക്തമാക്കി.
തിരുവനന്തപുരം: സംസ്ഥാനത്ത് ഇന്നും പരക്കെ കനത്ത മഴ തുടരും. ആറ് ജില്ലകളില് ഓറഞ്ച് അലര്ട്ടും എട്ട് ജില്ലകളില് യെല്ലോ അലര്ട്ടമുണ്ട്. ഈ മാസം 28 വരെ ശക്തമായ കാറ്റിനു സാധ്യതയുള്ളതായും കേന്ദ്ര കാലാവസ്ഥാ വകുപ്പ് വ്യക്തമാക്കി.
മാഞ്ചസ്റ്റര്: ഇന്ത്യക്കെതിരായ നാലാം ക്രിക്കറ്റ് ടെസ്റ്റില് ഒന്നാം ഇന്നിങ്സ് ബാറ്റിങിനിറങ്ങിയ ഇംഗ്ലണ്ട് കരുത്തോടെ നില്ക്കുന്നു. രണ്ടാം ദിനം കളി നിര്ത്തുമ്പോള് അവര് 2 വിക്കറ്റ് നഷ്ടത്തില് 225 റണ്സെന്ന നിലയില്. ഇന്ത്യയുടെ ഒന്നാം ഇന്നിങ്സ് 358 റണ്സില് അവസാനിപ്പിച്ച ആതിഥേയര്ക്ക് 8 വിക്കറ്റുകള് കൈയിലിരിക്കേ ഇന്ത്യന് സ്കോറിനൊപ്പമെത്താന് 133 റണ്സ് വേണം. 20 റണ്സുമായി ഒലി പോപ്പും 11 റണ്സുമായി ജോ റൂട്ടുമാണ് ക്രീസില്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates