തിരുവനന്തപുരം: ഗതാഗത കമ്മീഷണര് സി എച്ച് നാഗരാജുവിനെ മാറ്റി. ഇന്റലിജന്സ് ഐജിയായാണ് മാറ്റി നിയമിച്ചത്. പകരം ദക്ഷിണ മേഖലാ ഐജി ജി സ്പര്ജന്കുമാറിനെ ഗതാഗത കമ്മീഷണറായി നിയമിച്ചു.
നിലവില് ദക്ഷിണമേഖലാ ഐജി ആര് നിശാന്തിനിയാണ്. സ്പര്ജന് കുമാറിന്റെ ഒഴിവില് നിശാന്തിനിയെ ദക്ഷിണ മേഖലാ ഐജിയായും മാറ്റി നിയമിച്ചിട്ടുണ്ട്. ഐപിഎസ് ഉദ്യോഗസ്ഥരുടെ സ്ഥലംമാറ്റ ഉത്തരവ് പുറത്തിറങ്ങി.
ഭരണസൗകര്യം മുന്നിര്ത്തിയാണ് സര്ക്കാരിന്റെ നടപടി. ഗതാഗത വകുപ്പിലെ പ്രവര്ത്തനങ്ങള് ഏകോപിപ്പിക്കുന്നതിനായി പുതിയൊരു കമ്മീഷണര് വേണമെന്ന ശക്തമായ നിലപാട് മന്ത്രി സി പി ജോൺ സ്വീകരിക്കുകയായിരുന്നുവെന്നാണ് റിപ്പോർട്ടുകൾ.
മോട്ടോര് വാഹന വകുപ്പിന്റെ പ്രവര്ത്തനം കൂടുതല് സുതാര്യവും ജനസൗഹൃദവുമാക്കാനും, സേവനങ്ങള് ഡിജിറ്റലൈസ് ചെയ്യാനും നാഗരാജുവിന്റെ കാലത്ത് വകുപ്പിന് കഴിഞ്ഞിരുന്നു. അതേസമയം, ജനകീയ പൊലീസ് ഉദ്യോഗസ്ഥന് എന്ന നിലയില് പേരു കേട്ട ഐപിഎസ് ഓഫീസറാണ് സ്പര്ജന് കുമാര്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates