തിരുവനന്തപുരം: സംസ്ഥാനത്ത് ട്രഷറി ഇടപാടുകള്‍ അടുത്ത നാല് ദിവസം മുടങ്ങും. പുതിയ സെര്‍വര്‍ സ്ഥാപിക്കുന്നതിന്റെ ഭാഗമായാണ് മുടക്കം. സെര്‍വര്‍  പ്രശ്‌നംമൂലം ട്രഷറി ഇടപാടുകള്‍ വൈകുന്നത് വലിയ പരാതിക്ക് ഇടയാക്കിയിരുന്നു. ഇതേ തുടര്‍ന്നാണ് പുതിയ സെര്‍വര്‍ സര്‍ക്കാര്‍ വാങ്ങിയത്. 

അത് സ്ഥാപിച്ചെങ്കിലും പക്ഷെ പുതിയ സെര്‍വറിലേക്ക്  സോഫ്റ്റ്വെയര്‍ മാറ്റുന്നത് വൈകിയിരുന്നു. അവധിദിവസങ്ങള്‍ ആയതുകൊണ്ട് വലിയ ബുദ്ധിമുട്ട് ഉണ്ടാവില്ലെന്നാണ് ധനവകുപ്പ് വ്യക്തമാക്കുന്നത്. ആരോഗ്യവകുപ്പുമായി ബന്ധപ്പെട്ട ബില്ലുകള്‍ ഇന്ന് വൈകുന്നേരം അഞ്ചുമണിക്ക് മുമ്പ് പാസാക്കി നല്‍കി.